Як ствараць радавод? Майстар-клас Ігара Станкевіча анлайн

Пачатак: 04.05 (20:00)
Канец: 04.05 (22:00)
анлайн

4 траўня журналіст, даследчык гісторыі роду Ігар Станкевіч ладзіць анлайн бясплатны майстар-клас па стварэнні радаводу.

Дата: 4 траўня

Час: 20.00 (час мінскі)

Месца: тэлеграм-чат «Нацыі лідараў»

Войны, рэвалюцыі, акупацыі, рэпрэсіі, адлігі, якія змяняюцца масавымі знішчэннямі цэлых селішчаў — гэта наша гісторыя. Не дзіўна, што ў кожнай сям’і ёсць свае легенды, ёсць свае страхі, свае рэпрэсаваныя, сасланыя, вайскоўцы і шляхта, намяшаны розныя нацыянальнасці, веравызнанні, свае героі і складаныя лёсы.

І ўсё ж мы занадта мала ведаем гісторыю сваіх продкаў. Нам сцерлі памяць аб родзе, пазбавіўшы нас сілы. А пакаленні змянялі адзін аднаго, каб перадаваць калектыўны вопыт і веды сваім нашчадкам.

На майстар-класе вы атрымаеце адказы на пытанні: 

- навошта трэба ведаць свой род? 

- дзе шукаць інфармацыю? 

- якія існуюць адкрытыя базы дадзеных? 

- як працаваць з архівамі? 

- дзе збіраць і захоўваць дадзеныя аб родзе (праца з сэрвісамі).

Рэгістрацыя не патрэбная. Далучайцеся!