Юбiлейны канцэрт да 60-годдзя барда і актора Вiктара Шалкевiча

16 лютага ў Палацы Прафсаюзаў адбудзецца вялiкi юбiлейны канцэрт, прымеркаваны да 60-годдзя славутага барда Вiктара Шалкевiча. У межах канцэрта адбудзецца прэзентацыя новага альбома, а таксама прагучаць ужо знаёмыя слухачам, лепшыя кампазiцыi з творчасцi артыста.
– Выдумляць асаблiва нiчога не будзем – зробiм усё па-чалавечаску, традыцыйна, – каментуе Вiктар Шалкевiч. – Успомнiм лепшае са старога, запрэзентуем нешта новае.
Увогуле, 60 – гэта не тыя гады, каб спыняцца, раздзiраць на сабе вопратку i лямантаваць, маўляў, «Ах, як усё замячацельна, якi я класiчны i харошы, што такую разорыну ў мастацтве пасля сябе пакiнуў!» – разважае Шалкевiч. – Трэба жыць штодня, трэба iсцi ў той бок, адкуль пачынае свяцiць сонца, i ўсё будзе добра. Трэба бясконца захапляцца людзьмi, рэчамi i з’явамi вакол нас!
– На сцэну разам са мной традыцыйна выйдуць мае старыя добрыя сябры гiтарыст Юры Хiлявец i пiянiст Анатоль Кандыба, – распавядае артыст. – Увогуле, на кожным канцэрце заўжды бывае нешта новае і цікавае. Юбiлейная iмпрэза тым больш не стане выключэннем!

16 лютага, 19:00
Рэспубліканскі Палац культуры прафсаюзаў
Мінск, пр. Незалежнасці, 25
Кошт квіткоў ад 19 да 33 рублёў

Квіткі: тут, а таксама ў касе Палаца Прафсаюзаў

КАЛЯДНАЯ АКЦЫЯ!

Першыя сто пакупнікоў, якія набудуць квіткі праз сайт nn.by, атрымаюць ад арганізатараў кампакт-дыск з песнямі Віктара Шалкевіча пры ўваходзе ў залу.