У суботу, 6 траўня, філіял Веткаўскага музея кліча святкаваць традыцыйнае свята Юр’я.
Дата: 6 траўня
Час: 15.00
Месца: філіял Веткаўскага музея, пл. Леніна, 4а, Гомель
Тут зладзяць рэканструкцыю архаічнага палескага абраду «Юраўскі карагод», унесенага ў спіс культурнай спадчыны ЮНЭСКА. Ён і дасёння праводзіцца ў вёсцы Пагост Жыткавіцкага раёна.
На Беларусі Юр’я лічылася адным з самых вялікіх, самых папулярных гадавых свят.
Абрад уключае ў сябе дзеянні, накіраваныя на зварот да Бога з просьбай аб добрым ураджаі. Асноўныя — выпяканне абрадавага каравая ды ваджэнне карагодаў у полі.
Прыходзьце пасмакаваць сапраўдны Юраўскі карагод (абрадавы каравай).
Дарэчы, па добрай традыцыі і каб зямля сёлета была багатая на ўраджай — стол збіраюць у складчыну!
Прыносьце з сабой штосьці да святочнага стала: яешню, пірагі, бліны, варэнікі, бульбу, каўбасу, сыр, цукеркі, печыва, любыя іншыя любімыя ласункі.
І клічце сяброў ды сяброў вашых сяброў!
Кошт — 5 рублёў для дарослых, 2,5 рублі — для школьнікаў.
