Этнавечарына "Зіма з летам строчаецца..." у Гомелі

У суботу, 14 лютага, філіял Веткаўскага музея ў Гомелі ладзіць этнавечарына "Зіма з летам строчаецца..."

Стрэчанне - адно з самых вялікіх хрысціянскіх свят, якое адзначаецца як сустрэча старазапаветнай і новазапаветнай традыцый.

Стрэчанне ў народным асяроддзі ўспрымацца як прыродна-касмічнае падзея - сустрэча зімы з летам. Па стане надвор’я на Стрэчанне прадказвалі характар надыходзячых вясны і лета.

У беларусаў існуе і другая назва свята - Грамніцы. Імаверна, назва паходзіць ад язычніцкага бога Грамаўніка (Перуна) - бога веснавых навальніц і дажджоў, якія спрыялі расліннасці.

З прыходам хрысціянства, магічна-ахоўную ролю сталі выконваць асвечаныя свечкі, якія захавалі дахрысціянскую назву - Грамніцы.

З Грамніц пачыналі ўжо рыхтавацца да вясны - гаспадары аглядалі, рамантавалі, ладзілі прылады, патрэбныя для вясновага клопату.

А яшчэ казалі: "Да Грамніц не скідай з рук рукавіц, а як прайшлі Грамніцы, то ўжо не патрэбны рукавіцы".

Упрыгожыце елку кветкамі (чаму і навошта - дазнаецеся на імпрэзе), паспяваеце стрэчанскія песні, паводзіце вясновыя карагоды, патанчыце народныя танцы.

А таксама кожны зробіць сваю грамнічную свечку - адзін з наймацнейшых абярэгаў у беларускай народнай традыцыі.

🍳 Па традыцыі і каб увесь год быў шчаслівы стол збіраюць у складчыну!

Прыносьце з сабой штосьці да святочнага стала: любыя смаколікі (і не толькі салодкія) – яешню, пірагі, бліны, варэнікі, бульбу, каўбасу, сыр, цукеркі, печыва, любыя іншыя вамі любімыя ласункі.

💰 Кошт удзелу – 10 рублёў, дзеткам да 6 гадоў уваход вольны.

Абавязкова трэба запісацца - просяць толькі праз сацсеткі, напрыклад, праз інстаграм музея.