23 траўня, у суботу, Віленскі беларускі музей імя Івана Луцкевіча запрашае на святочныя імпрэзы з нагоды Ночы музеяў! Сёлетняе святкаванне прысвечана 25‑годдзю заснавання музея.
Што ў праграме?
- Адкрыццё выставы «Лінія пераходу».
На выставе можна паглядзець работы тэкстыльнай мастачкі Малгажаты Дмітрук, у якіх аўтарка вышывае памяць Падляшша з тканінаў з уласнай памяццю.
- Анлайн-латарэя
Музей падрыхтаваў 10 унікальных лотаў — арыгінальныя творы беларускіх мастакоў, а таксама прыемныя суцяшальныя прызы. Як і летась, у вас будзе магчымасць выйграць мастацкія лоты ўсяго за данат.
Сабраныя сродкі будуць накіраваныя на падтрымку беларускіх мастакоў у эміграцыі, а таксама Беларускага дома ў Вільні.
Кошт удзелу — усяго 5 еўра. Як далучыцца да ўдзелу ў анлайн-латарэі чытайце па спасылцы.
Таксама ў праграме:
- кірмаш майстроў
- камерны канцэрт
- стварэнне капсулы часу на наступную Ноч музеяў
- дэгустацыя налівак (20+)
Дзе і калі?
Дата: 23 траўня, суботаЧас: 12:00 (час мясцовы)
Месца: Віленскі беларускі музей імя Івана Луцкевіча (Vilniaus, 20)
