Калі вы раптам яшчэ не вызначыліся, як цікава і з карысцю правесці выходныя, мы падкажам. Свята «Радзіны» ў Азярцы, майстар-клас па лінагравюры ў Мінску, лекцыя Ірыны Дубянецкай «Этнафіласофія. Беларуская традыцыйная культура як інтэлектуальны феномен» у Гомелі, жаночыя экскурсіі па Гародні, фотавыстава Міхала Анемпадыстава «Простыя рэчы» ў Вільні, творчая сустрэча з Андрэем Хадановічам у Торуні, выставы, канцэрты — выбірайце падзеі ў сваім горадзе і на свой густ.
Беларусь
Мінск і Мінская вобласць
Майстар-клас па лінагравюры ў Мінску
У суботу, 3 лютага, у галерэі «Цэнтр» адбудзецца майстар-клас па лінагравюры ў межах выставы графікі «Арт-шлях».
Кожны ўдзельнік атрымае невялікі кавалак адмысловага лінолеуму і штыхель, навучыцца асновам гравіроўкі і створыць уласную гравюру пад пяшчотным кіраўніцтвам дасведчанага графіка.
Свята «Радзіны» ў Азярцы
У суботу, 3 лютага, у музеі народнай архітэктуры і побыту ў Азярцы святкуюць Радзіны.
Традыцыйныя радзінныя звычаі і абрады беларусаў уяўлялі сабой ладную сістэму і складаліся ў тры цесна звязаныя цыклы: дародавы, родавы і пасляродавы.
Усе яны павінны былі паўплываць на паспяховае зачацце і роды, а таксама былі накіраваны на прыняцце нованароджанага ў сям’ю і грамадства.
Дзіця ў традыцыйнай культуры беларусаў разглядалася як неад’емная частка прыроды, і яго зачацце, нараджэнне, развіццё і выхаванне падпарадкоўваліся агульным касмічным законам.
Праз уяўленне аб тых законах і з’яўвіліся шматлікія перасцярогі і правілы паводзін для жанчыны і для яе асяроддзя.
Гомель
Лекцыя Ірыны Дубянецкай «Этнафіласофія. Беларуская традыцыйная культура як інтэлектуальны феномен» у Гомелі
У суботу, 3 лютага, доктарка сакральнай тэалогіі Ірына Дубянецкая чытае ў Гомелі найцікавейшую лекцыю па беларускай этнафіласофіі. адкрытую паэтычную вечарыну.
Гаворка пойдзе пра сучасныя даследаванні беларускай народнай філасофіі.
У аснове народнай культуры ляжыць пэўная карціна свету, дзе ўсё адно з адным звязана мірыядамі сувязей — прынцыпаў, ідэй, вобразаў ці асацыяцый.
Падчас лекцыі вы і адкрыеце гэтае інтэлектуальнае вымярэнне беларускай традыцыі, якое дасць па-іншаму зірнуць на знаёмыя сюжэты і звычаі, убачыць у іх новыя сэнсы і кантэксты, а разам з тым і новыя таямніцы.
Запрашаюць усіх, хто цікавіцца традыцыйнай духоўнай культурай беларусаў і наогул ўяўленнямі аб паходжанні чалавека ды сусвету.
Майстар-клас па гарлячках у Ветцы
У суботу, 3 лютага, Веткаўскі музей (той, каторы ў Ветцы) запрашае навучыцца рабіць традыцыйнае неглюбскае жаночае ўпрыгожванне — гарлячку!
Навучыць вас плесці неглюбскую гарлячку навуковая супрацоўніца Святлана Петрышэнка, сама неглюбчанка.
Гарлячка — гэта шыйнае ўпрыгожванне з бісеру. Такі сабе неглюбскі чокер. Гарлячка была штодзённым упрыгожваннем, якое яшчэ ў першай палове 20 стагоддзя насілі амаль усе жанчыны любога ўзросту.
На майстар-класе кожны пачне рабіць сваю гарлячку. Не будзе часу зрабіць яе цалкам, але вы будзеце ведаць тэхналогію і лёгка зможаце скончыць упрыгожванне дома.
Бісер для ўпрыгожвання дадуць. Але калі вы хочаце ўзяць пэўны з сабой, то спатрэбіцца бісер 2-х ці 3-х колераў — па два пакецікі кожнага колеру.
Памер бісернай пацеркі — на ваш выбар. Чым буйнейшыя пацерка — тым хутчэй спляцецца гарлячка, але і больш масіўная яна атрымаецца.
Гродна
Прыгожыя і стылёвыя: экскурсія па жаночай Гародні
У суботу, 3 лютага, музей гісторыі рэлігіі паўтарае файны шпацыр па жаночай Гародні канца XIX — пачатку ХХ стагоддзя.
Чаму жанчынам забаранялі насіць капелюшы?
Ці праўда, што Эліза Ажэшка любіла коцікаў?
Дзе ў Гродне размяшчаліся б’юці-салоны?
Прыходзьце, каб даведацца процьму цікавостак!
Літва
Вільня
Фотавыстава Міхала Анемпадыстава «Простыя рэчы» ў Вільні
У Гасцёўні Беларускай Рады культуры працуе фотавыстава Міхала Анемпадыстава «Простыя рэчы», якую спадар Міхал прэзентаваў на літоўскім тыдні дызайну ў 2011 годзе.
Нідэрланды
Гаага
Аляксандр Памідораў з акустычным выступам у Гаазе
Упершыню ў Нідэрладнах у рамках акустычнага еўрапейскага туру Аляксандр Памідораў. Сустракаемся 3 лютага.
Варшава
Творчая сустрэча з Аляксеем Дзікавіцкім у Варшаве
У суботу, 3 лютага, у Музеі Вольнай Беларусі Аляксей Дзікавіцкі, журналіст і аўтар кніжак «Оньдэ» і «Світумузыка» на палескай гаворцы запрашае на асабістую сустрэчу з палескім словам.
Спадар Аляксей пачытае крыху новага, w tym po raz pierwszy również PO POLSKU, а таксама best of з кніжак «Оньдэ» і «Світумузыка».
Таксама спадар Аляксей запрашае паспяваць разам па-палеску хіты Queen, AC/DC, Status Quo, Deep Purple, The Beatles, Metallica і пагутарыць пра асаблівы «космас» беларускага Палесся.
Некалькі кніжак можна будзе атрымаць бясплатна, адказаўшы на пытаннечкі на веданне палескай мовы. Рэшту — набыць з аўтографам.
Германія
Берлін
Прэм’ера спектакля «Крэмулятар» паводле Сашы Філіпенкі ў Берліне
3 і 4 лютага, у Берліне адбудзецца прэм’ера спектакля «Крэмулятар» паводле рамана Сашы Філіпенкі.
«Крэмулятар» — гэта гісторыя лётчыка і белагвардзейскага афіцэра Пятра Несцярэнкі, які пасля працяглых нягод эміграцыі пачатку ХХ стагоддзя заключае дамову з Саветамі і вяртаецца на радзіму.
Гэта гісторыя пра жангліраванне і выбар уласнай праўды, пра яе сціранне і непазнавальнасць для многіх пакаленняў, пра эміграцыю і вайну мінулага стагоддзя; пра веру, вялікае каханне, якое нічога не значыць, калі самы адданы глядач — тыран.
Торунь
Творчая сустрэча з Андрэем Хадановічам у Торуні
У нядзелю, 4 лютага, у Торуні — літаратурна-музычны вечар з Андрэем Хадановічам.
Спадар Андрэй прачытае ўласныя вершы ды пераклады, заспявае песні і прэзентуе новы зборнік вершаў — рэфлексіі апошніх гадоў «На беразе Волі».
Таксама можна будзе набыць ягоны зборнік паэзіі «Вершы».
Эстонія
Талін
Паўстанцкая імпрэза ў гонар Кастуся Каліноўскага і Тадэвуша Касцюшкі ў Таліне
У суботу, 3 лютага, беларусы суседняга Таліна адзначаюць дзень народзінаў беларускіх нацыянальных герояў — Кастуся Каліноўскага і Тадэвуша Касцюшкі.
Вас чакае паказ фільма пра Кастуся Каліноўскага, прэзентацыя пра паўстанні 1794 і 1863 гадоў, а таксама квіз з цікавымі прызамі.
Больш беларускіх падзей шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў.
