Паэт, журналіст і фатограф Аляксей Ганчук памёр на 71-ым годзе жыцця 9 студзеня 2025 г., паведамляе «Суполка беларускіх пісьменнікаў».
Аляксей Ганчук нарадзіўся 17 студзеня 1954 г. у в. Навасёлкі Кобрынскага р-на Брэсцкай вобл. Скончыў кінафотафакультэт Маскоўскага завочнага народнага ўніверсітэта мастацтваў.
Быў аўтарам шматлікіх персанальных фотавыставаў, удзельнікам і дыпламантам абласных і рэспубліканскіх фотаконкурсаў.
Першыя вершы з’явіліся ў перыёдыцы ў 1970-ых гг.
Друкаваўся ў зборніках «Дзядзінец. Паэзія Берасцейшчыны» і «Берасцейскія карані», альманаху «Дзень паэзіі», «Першацвеце», «ЛіМе», альманаху «Жырандоля».
Дэбютная кніга «Белы ганак» убачыла свет у 2010 г. Другая кніга паэзіі — «Берагі» (2019 г.)
Пахаваны ў Жабінцы.
