З Днём Волі!

Дарагія сябры!

Віншуем вас з нашым найвялікшым нацыянальным святам — Днём Волі!

Паштоўка "З Днём Волі!". Намалявала Альжбэта Цяльпук

107 гадоў таму, 25 сакавіка 1918 года, беларускі народ абвясціў незалежнасць сваёй краіны і заявіў пра сваё права быць гаспадаром на ўласнай зямлі.

Незалежнасць нашай краіны нараджалася ў надзвычай цяжкіх умовах — у віры вайны, рэвалюцыі і акупацыі. І сёння, на жаль, мы ў сітуацыі максімальна далёкай ад таго, каб быць спакойнымі за будучыню Беларусі. Аднак, як калісьці акт 25 сакавіка стаўся промнем надзеі ў цемры, так і сёння нацыянальныя ідэалы, запісаныя ў тым акце, служаць нам нязменным арыенцірам на шляху да галоўнае мэты — пабудовы вольнай, дэмакратычнай Беларусі, дзе жыцці людзей, іх свабоды і правы — перадусім.

Сёння, калі многія беларускія сем’і разарваныя дзяржаўнымі межамі, а іншыя — кратамі, памятайма, што нашыя салідарнасць, еднасць і ўзаемападтрымка ёсць нашай галоўнай зброяй. Беражыце адзін аднаго, захоўвайце веру ў лепшае і заставайцеся беларусамі ў любой кропцы свету!

Са святам! Жыве Беларусь!

Паштоўка "З Днём Волі!". Намалявала Альжбэта Цяльпук