У Беластоку стартаваў збор сродкаў на выданне кнігі «Могілкі беларусаў Падляшша» — даследавання, прысвечанага пахавальным помнікам, як прасторы памяці і ідэнтычнасці беларусаў рэгіёна.
Аўтарка кнігі — Вольга Сямашка, даследчыца гісторыі і культуры, магістр у галіне аховы культурнай спадчыны.
Праца стала вынікам шматгадовых палявых даследаванняў і ўтрымлівае больш за 700 старонак і 300 фотаздымкаў, а таксама каталог 28 падляшскіх могілак.
Кніга напісаная навукова-папулярнай мовай і паказвае, як памяць пра продкаў аб’ядноўвае аўтахтонных беларусаў і дыяспару, ствараючы жывую культурную сувязь праз пакаленні.
Сродкі пойдуць на вёрстку, друк і апраўленне 200 асобнікаў.
Цана аднаго асобніка — 92,15 зл.
Падтрымаць праект можна праз платформу Zrzutka.pl
