У панядзелак, 23 кастрычніка ў рамках праекта FemMoz адбудзецца анлайн-дыскусія «(Ня)бачнае мацярынства: палітыка, эканоміка, міграцыя».
Дата: 23 кастрычніка
Час: 18.00 (час берлінскі, гэта 18.00 па Варшаве, 19.00 па Мінску і 19.00 па Тбілісі)
Месца: zoom
Пагавораць пра досвед палітычнага пераследу маці, складанасці сумяшчэння мацярынства, працы і актывізму, а таксама паразважаюць пра прычыны падзення нараджальнасці.
Спікеркі падзеляцца досведам міграцыі з дзецьмі і добраўпарадкавання ў новай краіне і абмяркуюць, што (не) робіцца для таго, каб публічныя прасторы і мерапрыемствы станавіліся больш інклюзіўнымі для маці.
Спікеркі:
Юлія Васілюк, журналістка, удзельніца праграмы USAID «Жаночае лідэрства», аўтарка 15 кніг для дзяцей.
Мая Церакулава, лекарка-педыятарка.
Вікторыя Лаўрынюк, удзельніца Фемгрупы Каардынацыйнай Рады, даследчыца гендарна-арыентаванага гвалту.
Мадэратарка — Лена Агарэлышава, сацыялагіня, фемактывістка.
Удзел вольны. Рэгіструйцеся па спасылцы.
