Анлайн-сустрэча «Пераехаўшыя» з Яўгенам Атцецкім і Змітром Галко

У сераду, 30 лістапада — новая анлайн-сустрэча з цыклу «Пераехаўшыя» Беларускай асацыяцыі журналістаў.

---

Дата: 30 лістапада

Час: 19.00 (час мінскі)

Месца: zoom 

«Пераехаўшыя» — гэта гутаркі з беларускімі журналістамі і журналісткамі па ўсім свеце. Спікеры дзеляцца ўласным досведам, гісторыямі і лайфакамі рэлакацыі.

Гэтым разам госця — Яўген Атцецкі і Зміцер Галко.

За актыўнай прафесійнай дзейнасцю Яўгена Атцецкага стаіць не самая простая гісторыя. З аўтарытарнай Беларусі — у Кіеў — з ужо ваеннага Кіева — куды?

Дзе цяпер новы дом спадара Яўгена? Што дапамагае знаходзіць сілы для новых праектаў і для таго, каб заставацца ў беларускай тэматыцы?

Спадар Яўген раскажа пра асабістыя і прафесійныя радасці і складанасці, дасягненні — і няўдачы таксама.

Зміцер Галко жыве ва Украіне з 2018 года. Зараз ён у Херсоне. Калі з ім дамаўляюцца наконт сустрэчы праз тыдзень, Зміцер пагаджаецца са словамі: «Калі буду жывы і будзе сувязь».

Кажа, што пра ўбачанае ў ваеннай Украіне можа распавядаць гадзінамі. Быў у Бучы, Ірпені, Гастомелі, на Харкаўшчыне і ў Херсоншчыне. Бачыў усе жахі сваімі вачыма.

Мадэратарка сустрэчы — журналістка Алёна Дубовік.

Удзел бясплатны, толькі зарэгіструйцеся па спасылцы.