Чэшскія дні ў кнігарні логвінаЎ

Два вечары з вядомымі чэшскімі празаікамі .

11 снежня (пятніца). Прэзентацыя кнігі Катэржыны Тучкавай “Жыткаўскія багіні”.

12 снежня (субота). Прэзентацыя кнігі Іржы Гаічка “Рыбіна кроў”.

Абедзьве імпрэзы пройдуць з удзелам аўтараў, а таксама перакладчыцы Святланы Рогач і рэдактара серыі “Чэшскага калекцыя” Сяргея Сматрычэнкі. Пачатак а 19. Незалежнасці 37а.

Крыху пра кнігі:

Катэржына Тучкава “Жыткаўскія багіні”. Высока сярод карпацкіх грудоў здаўна жылі жанчыны, адораныя надзвычайнымі здольнасцямі. Яны ўмелі лячыць, дапамагалі парадамі ў душэўных пакутах, умелі прадказваць будучыню. Іх называлі багінямі і сваё мастацтва яны перадавалі з пакалення ў пакаленне. Дора Iдэсава – апошняя з іх роду. Аднак іх майстэрства яна не пераняла, вывучылася на этнографа і вырашыла напісаць пра іх навуковае даследаванне. У канцы 90-х гадоў у архіве МУС яна адшуквае тэчкі, сабраныя дзяржбяспекай на ворага народа, яе цётку Сурмэну…

Раман Іржы Гаічка “Рыбіна кроў” – гэта гісторыя разбурэння сям’і ў перыяд вялікіх сацыяльных зменаў канца ХХ ст., і гісторыя разбурэння вёскі, якая пала ахвяраю будаўніцтва атамнай электрастанцыі. У 2013 годзе раман атрымаў прэстыжную чэшскую прэмію “Magnesia Litera” як найлепшая кніга папярэдняга года.