У суботу, 6 траўня, Беларускі інстытут у Празе ладзіць Дзень Заходняга Палесся.
Дата: 6 траўня
Час: 15.00 і 16.00 (час мясцовы)
Месца: Беларуская клубоўня, 5. května 1043/32, Прага
А 15-й пачнецца лекцыя Іны Каліты «Моўны ландшафт Заходняга Палесся — гісторыя вывучэння і спробы стварэння літаратурнай мовы».
Даследчыца, кандыдатка філалагічных навук распавядзе пра навуковае вывучэнне гаворак Заходняга Палесся і спробы выкарыстання заходнепалескай мікрамовы ў беларускай пісьменнасці.
А ў 16.00 Аляксей Дзікавіцкі прэзентуе свой новы зборнік «Світумузыка», напісаны палескай гаворкай.
Падчас прэзентацыі спадар Аляксей пачытае вершы, каб прысутныя змаглі адчуць самабытнасць мовы.
Усе ахвотныя змогуць набыць як новы зборнік «Світумузыка», так і першую кніжку «Ондэ» з подпісам аўтара.
Уваход вольны.
