У сераду, 15 лютага, праект «Культуралогія без межаў» запрашае на лекцыю «Эрых Фром: любоў выратуе свет», прымеркаваную да Дня закаханых.
Дата: 15 лютага
Час: 19.00
Месца: Accidental Point, Кальварыйская, 21, Мінск
Што такое любоў і каханне? — неўміручае пытанне, якое мы не спыняемся задаваць адзін аднаму і самім сабе.
Адразу пасля Дня ўсіх закаханых «Культуралогія без межаў» вырашыла грунтоўна разабрацца ў феномене любові ўвогуле.
Увечары серады «Мастацтва любіць» Эрыха Фрома стане нашай настольнай кнігай, а кандыдатка культуралогіі Эліна Усоўская — правадніцай у філасофскія разважанні Фрома пра самае важнае, але такое складанае пачуццё.
Чаму філасофія Эрыха Фром не губляе сваёй актуальнасці?
Ці так важна нам адчуваць любоў і каханне?
Чаму мы часам бяжым ад нашых пачуццяў?
І ці зможа ўсё-такі любоў выратаваць свет?
Прыходзьце паразважаць!
Уваход — free donation.
