ПАДЗЕЯ ДНЯ: Фэст #СупрэмStorm_ноч у Віцебску
29.02.2024
18:00 - 23:59
Цэнтр культуры «Віцебск» (вул. Маякоўскага, 1)
15 рублёў
У чацвер, 29 лютага а 18-й, у Цэнтры культуры «Віцебск» стартуе #СупрэмStorm_ноч, прысвечаная супрэматызму, канешне! І доўжыцца, як водзіцца, да ночы!
Дата: 29 лютага
Час: з 18.00 (час мясцовы)
Месца: Цэнтр культуры «Віцебск», вул. Маякоўскага, 1, Віцебск
Шэсць фестывальных гадзін вы зможаце назіраць за бітвай мастакоў, прымаць удзел у перформансах, наведаць выставы, спектакль, лекторый на тэму «УНОВІС»
Вось якая будзе праграма:
18.00 «СУСВЕТ УНУТРЫ МАЛЕВІЧ»
(Пастаўце кропку, як адчуваеце, і сэнс зменіцца.)
На працягу ўсяго вечара з 18:00 да 21:00 у зале № 34 Цэнтра культуры адбудзецца галоўная падзея праекта — АРТ-БАТТЛ.
Тут, як на полі бою, разгорнецца грандыёзны паядынак паміж мастаком і палатном.
Паназіраць за нябачнай сілай нястрымнага творчага палёту можна ў рэжыме «тут і цяпер».
Удзельнікі будуць працаваць над творамі візуальнага мастацтва ў некласічным духу футурызму, супрэматызму, трэш-арта...
Вынікі батла будуць падведзены ў 21:00 экспертнай радай.
18.00 «ВІЦЕБСК. ТУТ БЫЎ УНОВІС»
Выстава студэнтаў Віцебскага тэхналагічнага ўніверсітэта чакае вас у выставачнай зале. Гэта рэтраспектыва плакатаў і арт-аб’ектаў з фондаў кафедры дызайну і моды. ⠀⠀
19.00 «МАЛЕВІЧ НАВЫВАРАТ». КАМПЕНДЫУМ
Віцебск у гісторыі жыцця Казіміра Малевіча займае асаблівае месца.
Прыехаўшы сюды, ён адразу стварыў УНОВІС. Лекцыя-перфоманс раскажа пра гэты час. Што гэта былі за людзі — яго вучні? Што для іх значыў МАЛЕВІЧ? Чаму яны паехалі за ім у Ленінград? Што адбывалася ў іх лёсах пасля Віцебска?
Лектарка Таццяна Катовіч прапануе выбраць тэму з усяго спектра апавядання пра вялікага мастака і Віцебска ў яго жыцці.
Гэта некласічная лекцыя са слайд-шоў-фільмам, у якім мы ўбачым тое, што завецца «знадворку»: што сабой уяўляе сучаснае мастацтва, што такое колер і аб’ект у мастацтве. Вы ўбачыце фрагменты знакавых перформансаў моладзевага тэатра «КОЛА».
21.00 «ЛАБІРЫНТ МАЛЕВІЧА» — інтэрактыўная выстава-перформанс.
Дамінанта экспазіцыі — сама Лесвіца. Яе накіраванасць уверх, візуальны «шум» на ёй: усё гэта праяўляе галоўную думку — прасоўванне ідэй супрэматызму, працяг будаўніцтва «будынка» авангарднага мастацтва.
У «лабірынце» вам сустрэнуцца карціны з фонду маладзёжнага тэатра «КОЛА» і галерэі арт-батла. Арт-аб’ектамі перформансу разам з палотнамі стануць артысты.
Прастора Лесвіцы ажыве ў дыялогу супрэматычных і канструктыўных формаў толькі ў прысутнасці гледача.
У абсалютнай цішыні і цемры госці стануць непасрэднымі ўдзельнікамі таго, што адбываецца: асвятляючы сабе шлях ліхтарыкамі смартфонаў, «па кавалачках» складаючы пазл «лабірынта».
22.00 «M-АДЫСЕЯ» медыяперформанс
Музыка і гукарэжысёр Сяргей Цвікі эксперыментуе ў жанрах эмбіент і дроун.
Створаны ім спектакль «M-АДЫСЕЯ», як кароткае падарожжа, заснаванае на даследаванні паняцця памяці, як пейзаж, напісаны гукавымі выявамі. Гэта эксперымент па ўзаемадзеянні навуковага і тэхнічнага вопыту, сутнасць якога простая — быць усвядомленым.
У аснове — палявыя запісы, якія пераплятаюцца са выпадковымі алгарытмамі лічбавых і аналагавых машын, якія кіруюцца чалавекам.
Можна заплюшчыць вочы і прыслухацца да вобразаў, якія ўзнікаюць ва ўяўленні. А можна не ўнікаць і растварыцца ў музыцы. Стаць яе працягам.
23.00 «Вока Буры». Медытатыўны гонг-перформанс
Будзе Цішыня... Першародная. Удумлівая. Дасканалая. Колькі гучных думак нараджаецца штосекундна... Колькі адказаў мы чакаем ад саміх сябе...
Гонг-майстры: Маргарыта Корзун і Улада Цвікі.
Квіткі на ўсё гэтае шчасцейка адразу —
15 рублёў, а студэнтам — 10 рублёў. Можна браць па
спасылцы альбо у касах горада.
