Ужо ў суботу, 25 лютага а 17-й, у КЗ «Віцебск» стартуе #СупрэмStorm_ноч, прысвечаная супрэматызму, канешне! І доўжыцца, як водзіцца, да ночы!
Дата: 25 лютага
Час: з 17.00 (час мясцовы)
Месца: КЗ «Віцебск», пр-т Фрунзэ, 1, Віцебск
Сем фестывальных гадзін вы зможаце назіраць за бітвай мастакоў, прымаць удзел у перформансах, наведаць выставы, спектакль, кіналекторый на тэму «УНОВІС», а таксама пашпацыраваць па галерэі арт-батла.
Вось якая будзе праграма:
17.00 Адкрыццё фэста ў цэнтральным фае КЗ «Віцебск»;
17.00 Арт-батл «ЧОРНЫ КВАДРАТ. МАЛЕВІЧ» у люстраным фае;
17.00 Выстава творчых работ студэнтаў кафедры дызайну і моды ВДТУ «КОЛЕР ПРАСТОРЫ. БЕЛЫ» ў ложы А; ⠀
17.00 Прэзентацыя выставы «ГАЛЕРЭЯ АРТ-БАТТЛА» ў цэнтральным фае; ⠀⠀
18.00 Кіналекторый з прафесаркай Таццянай Катовіч: глядзяць дакументальныя фільмы «УНОВІС» (беларускі) і «ВІЦЕБСК УНОВІС» (нідэрландскі) — у ложы А.;
19.00 Пластычны спектакль «ВАСІЛЬ КАНДЫНСКІ/БЕЗ косак» Тэатра Дакумента Ганны Сулімы ў круглай зале;
20.00 Digital-перформанс Грэгара Гудкова «КУЛЬТУРА» ў круглай зале;
21.30 Перформанс «ПРОУН-B23» маладзёжнага тэатра «КОЛА» ў цэнтральным фае;
22.00-02.00 танцы-шманцы ды канцэрт! (у круглай зале). А завершыць фестываль начное паці!
Квіткі на ўсё гэтае шчасцейка адразу — 10 рублёў, а студэнтам — 7 рублёў. Тэлефон касы — 8 (0212) 63-93-92.
