У пятніцу, 17 лістапада, у Старамейскім доме культуры адкрываецца выстава фотадуэта Kanaplev&Leidik «Тата ў тэлефоне».
Дата: 17 лістапада
Час: 19.00 (час мясцовы)
Месца: Staromiejski Dom Kultury, Rynek Starego Miasta 2, Варшава
Юлія Лейдзік і Яўген Канаплёў, пара беларускіх фатографаў, якія эмігравалі з Мінска ў Варшаву праз тры дні пасля пачатку вайны ва Украіне, з 2022 года працуюць над праектам «Тата ў тэлефоне», здымаючы партрэты ўкраінскіх сем’яў у іх польскіх дамах.
Класічныя партрэты маюць адзін трывожны элемент — бацька ў іх прысутнічае выключна на экране смартфона.
«Тата ў тэлефоне» — гэта гісторыя пра вайну з гледзішча сем’яў, якія — падзеленыя ёю — жывуць гібрыдна.
Выстава працуе па 13 студзеня.
