20 сакавіка ў Брэсцкім акадэмічным тэатры драмы адбудзецца гала-канцэрт, прысвечаны 100-годдзю з дня нараджэння вялікага піяніста XX стагоддзя Святаслава Рыхтэра.
Праект праходзіць пад патранатам Брэсцкага гарвыканкама і грамадскага аб’яднання “Брэсцкае абласное музычнае таварыства”.
Да гледачоў выйдуць: саліст Вялікага тэатра Расіі Вадзім Лынкоўскі (бас), нар. арт. РБ Ігар Алоўнікаў (фартэпіяна), лаўрэаты спецыяльнай прэміі прэзідэнта РБ па падтрымцы таленавітай моладзі Кацярына Марэцкая і Кацярына Матох (фартэпіяна).
У Брэсце чакаюць мастацкага кіраўніка «Новага рускага квартэта» (Расія) Юлію Ігоніну (скрыпка). Дырыжуе Аляксандр Сасноўскі, рэжысёр гала-канцэрта – заслужаны дзеяч мастацтваў РБ Лілія Батырава.
У праграме прагучаць творы Л. Бетховена, З Рахманінава, П. Чайкоўскага і іншых класікаў.
Фота: sviatoslavrichter.ru
