Гутарка пра сучасную дзіцячую літаратуру
Пачатак: 26.01 (18:00)Канец: 26.01 (18:00)
Кніжная шафа
У суботу 26-га студзеня а 18-й запрашаем усіх жадаючых у Кніжную Шафу на гутарку пра сучасную дзіцячую літаратуру з Надзяй Кандрусевіч, Юляй Цімафеевай і Ганнай Янкутай. Мадэраваць сустрэчу будзе Альгерд Бахарэвіч.
Паразмаўляем пра пераклады твораў для дзяцей: Надзя Кандрусевіч у мінулым годзе прадставіла беларускім чытач(к)ам кнігу “Ёрдзіс” шведскай пісьменніцы Юі Вісландэр, а Юля Цімафеева – “Лета Гармана” нарвежскага аўтара Стыяна Холе. Не абмінём увагай непасрэдна беларускую дзіцячую літаратуру – Ганна Янкута распавядзе пра свой твор “Кот Шпрот і таямніца атракцыёнаў”.
Акрамя магчымасці задаць пытанні ўдзельніцам, зможаце паслухаць урыўкі з названых тэкстаў, а таксама набыць кнігі і атрымаць аўтографы.
Уваход вольны, далучайцеся!
Кніжна-выставачная прастора “Кніжная шафа”, пр. Дзяржынскага, 9 (уваход са двара ля 5-га пад’езда).
Тэл.: +375 (17) 234-48-64
Vel.: +375 (29) 645-20-55
Сябры, калі вы едзеце да нас на аўто, тэлефануйце – мы з радасцю падымем для вас шлагбаум і павітаем у Шафе.
