Краязнаўчы форум у Мазыры
14.06.2024 - 16.06.2024
14:00 - 17:00
eventdom (вул. Савецкая, 132)
Бясплатнае
Напрыканцы тыдня, з 14 па 16 чэрвеня, у Мазыры адбудзецца краязнаўчы форум.
Дата: з 14 па 16 чэрвеня
Час: 16.00
Месца: eventdom, вул. Савецкая, 132, Мазыр
Падзея стане першай за доўгі час спробай сабраць разам энтузіястаў і прафесійных даследчыкаў.
Прапануюць абмяняцца досведам краязнаўчых даследаванняў, паразважаць пра палескі менталітэт, зірнуць на зорнае неба па-беларуску і нават павучыцца спяваць, як спявалі нашыя бабулі.
Пачнуць у пятніцу, 14 чэрвеня ў 18.00, з краязнаўчага нэтворкінгу.
Прыходзьце пазнаёміцца ды паслухаць мазырскіх краяведаў-аматараў.
У суботу, 15 чэрвеня а 14-й, доктарка сакральнай тэалогіі Ірына Дубянецкая пазнаёміць вас з роляй чалавека ў традыцыйным светамысленні.
Пасля, а 16-й, запрашаюць на бясплатную лекцыю даследчыка міфалогіі Змітра Скварчэўскага «Зорнае неба палешукоў»!
Даведаецеся пра вядомыя беларускія салярныя, лунарныя і астральныя міфы і пра асноўная тутэйшыя міфалагічныя вобразы, якія знайшлі сваё адлюстраванне ў начным небе.
У нядзелю, 16 чэрвеня ў 14.00, археолаг Алег Дзярновіч у лекцыі «Антонаўскі замак пад Нароўляй. Што пра яго вядома?» падзеліцца інфармацыяй пра невядомы дагэтуль замак — магчыма, будзе археалагічная сенсацыя!
А пасля, а 16-й, клічуць на майстар-клас Эльвіры Бараноўскай па традыцыйных спевах.
Спадарыня Эльвіра — заснавальніца этнагурта «Aratseya», выканаўца на колавай ліры і народных духавых інструментах.
Вас чакае знаёмства са светам аўтэнтычных спеваў, развучванне беларускіх народных песень і гульняў.
Дапоўніць сустрэчу старадаўні беларускі інструмент — колавая ліра, Вы дазнаецеся пра яго гісторыю і пачуеце ўнікальнае архаічнае гучанне.
Удзел вольны. Рэгіструйцеся на форум па
спасылцы.
