У суботу, 25 лістапада, у філіяле Веткаўскага музея — Кудзельная вечарына!
Дата: 25 лістапада
Час: 16.00
Месца: філіял Веткаўскага музея, пл. Леніна, 4а, Гомель
Восень — пара, калі вырашчаны лён ператвараўся на пражу і далей у кашулю, набожнік, ручнік, андарак і іншае палатно.
На Кудзельнай вечарыне ўзновяць увесь гэты працэс: пра штосьці проста раскажуць у фармаце міні-лекцыі, а штосьці прапануюць зрабіць уласнымі рукамі — напрыклад, засвоіце прадзенне на самапрасе, абавязкова патчэце за кроснамі.
І ўсе дзеянні аб’яднаюць з адмысловымі песнямі — як і нашы продкі суправаджалі працу спевамі.
І вядома ж, будуць танцы пад гармонік і застолле!
Дарэчы, пра застолле!
Па добрай традыцыі і каб увесь год быў шчаслівы — стол збіраюць у складчыну! Прыносьце з сабой штосьці да святочнага стала: яешню, пірагі, бліны, печаны гарбуз, мёд, бульбу, каўбасу, сала, сыр, закруткі, цукеркі, печыва, любыя вашыя любімыя ласункі.
На вуліцы халодна, таму ўся вечарына і танцы адбудуцца ўнутры. І каб кожны пачуваўся ўтульна і ўсім хапала месца і на танцах, і за сталом, і на лаўцы, музей вымушаны абмежаваць колькасць гасцей — 30 чалавек!
Уваход — 7 рублёў. Просяць загадзя браць квіткі ў музеі ці замовіць месцы можна па нумары +375(232)509698 (з 9:30 да 18:00).
