Монаспектакль «Страта» ў тэхніцы ready-made ў Мінску

18 лютага «Тэатр На Балконе» запрашае на монаспектакль «Страта» ў тэхніцы ready-made. Асновай тэхнікі ready-made з’яўляецца трансфармацыя ўтылітарных прадметаў у твор мастацтва. Вызначальным для яе становіцца пошук гэтага прадмету.

Дата: 18 лютага

Час: 19.00

Месца: вул. Кастрычніцкая, 10 (левы ганак), Мінск

«Я хачу распавесці вам дзве гісторыі стратаў. Або страты дзвюх гісторый...»

Аднойчы рэжысёр Андрэй Саўчанка знайшоў ля дваровага гарадскога сметніка старую валізку, ў якой аказаўся стос разарваных фатаздымкаў. Чыйсьці сямейны архіў. Далейшае жыццё знаходкі шукайце ў першай гісторыі.

Другая частка — гісторыя пра дзедаў дом, спалены маланкай.

Калі чалавек губляе нешта, то гэта моцна б’е, моцна ўзрушвае. Унутраны ператрус пераарганізоўвае ўласную сістэму асобы — і з’яўляюцца новыя думкі, новыя накірункі, па якіх можна ісці. Памяць ажывае ў прадметах.

Аўтар, актор і рэжысёр: Андрэй Саўчанка

Мастак: Юрый Вінаградаў

Спектакль-эскіз народжаны ў межах лабараторыі ready-made theatre «Ужо гатовы сусвет», якую ладзілі Алена Мальчэўская і Аляксандр Марчанка ў Цэнтры візуальных і выканальніцкіх мастацтваў «ART Corporation».

Уваход вольны (free donation).

Запіс па нумары +375296248902 альбо праз тэлеграм-чат «Тэатра На Балконе».