У панядзелак, напярэдадні Дня смеху, будзем гутарыць пра беларускія жарты, афарызмы, анекдоты і г.д. Звернемся як да народных, гэтак і да сучасных.
Шаноўныя студэнты, рыхтуйце вашыя жарты і анекдоты, смешныя выпадкі з жыцця — будзем падымаць настрой адно аднаму!
Госць заняткаў — вядомы паэт, перакладнік, старшыня Беларускага ПЭН-цэнтра Андрэй Хадановіч. Апроч “сур’ёзнай” лірыкі, спадар Андрэй вядомы і як аўтар гумарыстычных вершаў ды песень. Дарэчы, на занятках Андрэй Хадановіч таксама абяцаўся быць з гітараю.
31 сакавіка, 19.00, Галерэя Ў (Незалежнасці, 37а), уваход вольны.
Мова нанова!
