Паэтычна-музычная вечарына “Міжмоўе”
Пачатак: 15.03 (19:00)Канец: 15.03 (21:00)
Дзяржаўны літаратурна-мемарыяльны музей Якуба Коласа
15 сакавіка а 19-й гадзіне Дзяржаўны літаратурна-мемарыяльны музей Якуба Коласа запрашае на паэтычна-музычную вечарыну “Міжмоўе” у межах музейнага праекта “Кватэрнік у дзядзькі Якуба”.
Гэтым разам госцем утульнага Дома песняра стануць дзьве маладыя паэтэсы – Кацярына Ваданосава і Хрысціна Скрыган, якія шмат гадоў ствараюць разам музыку і песні ў межах адзінага гурта.
Не адну сотню разоў дзяўчыны выходзілі разам на сцэну, але ніколі яшчэ не гучалі з адной сцэны іх паэтычныя творы. Гэтая вечарына – спроба аб’яднаць розныя бачанні, розныя стыхіі, розныя мовы – і зліць іх у цэласным музычна-тэатралізаваным відовішчы. Вершы, песні, пачуцці – усё загучыць з новай сілай, каб абудзіць людскія душы для новай вясны.
Уваход – 40 000
САРДЭЧНА ЗАПРАШАЕМ!
Адрас музея: г. Мінск, вул. Акадэмічная, 5
Тэл. для даведак: 284-15-84, 284-17-02
Афіцыйны сайт: www.yakubkolas.by
