Першая сумесная інтэрактыўна-выставачная падзея Беларускага дзяржаўнага музея народнай архітэктуры і побыту і кафэ «Культура».
У сучаснай беларускай традыцыі існуюць словы, якія першапачаткова абазначалі асобныя зімовыя святы – Каляды, Раство, Новы год. Кожнае з іх звязана з асаблівай традыцыяй, у наш час усе разам яны сінтэзаваны ў двухтыднёвым патоку святкаванняў.
Ці ўсведамляем мы сёння прыроду і значэнне гэтых слоў і прадметаў-сімвалаў, якія з імі звязаны? Ці можам мы адшукаць ва ўспамінах свой сімвал зімовага свята? Такія пытанні задаюць арганізатары праекта сваім наведвальнікам, якія могуць дапоўніць экспазіцыю сваімі каментарамі, малюнкамі, цацкамі. Адкрыта магчымасць перадаць у калекцыю музея свой рэдкі прадмет, звязаны з зімовымі святамі.
У экспазіцыйнай прасторы прадстаўлены: архаічны калядны саламяны «Павук», рэдкі збор папяровых калядных упрыгожванняў, ватныя і шкляныя цацкі савецкай эпохі, фатаграфіі і паштоўкі. Упершыню будуць паказаны елачныя цацкі канца XIX- пачатку ХХ стагоддзя, знойдзеныя ў адным са старых дамоў г.Баранавічы.
На фоне выставы прапануюцца прадметныя размовы і пошукі зімовых сэнсаў у атмасферы культуры і традыцыі.
У рамках праекту:
22 снежня 14.00 – 19.00 – ” інтэрактыўнага выставачнага праекта, дэгустацыя «беларускага ўзвару» – традыцыйнага каляднага напою.
Дадатковая інфармацыя:
т. +375293706116
https://www.facebook.com/EtnaBY
