У суботу, 2 лістапада, з нагоды Дзядоў і Начы (не)расстраляных паэтаў у Вільні ладзяць шпацыр памяці рэпрэсаваных віленскіх беларускіх дзеячоў, на чые магілы не прынесці знічы, бо іх няма.
Дата: 2 лістапада
Час: 11.00 (час мясцовы)
Месца збору: Вострая брама, Вільня
Некаторым ёсць кенатафы (сімвалічныя магілы) альбо крыжы на Курапатах, але і туды зараз немагчыма ці небяспечна прыйсці.
Таму прапануюць узяць з сабой знічы, запальваючы іх па шляху.
Сярод іншых згадаюць трох беларускіх дзеячоў, звязаных з Вільняй і расстраляных у Чорную ноч з 29-га на 30-е кастрычніка 1937-га года ў Менску, — аднаго паэта і двух навукоўцаў.
Удзел вольны, ахвяраванні дужа вітаюцца.
