Света Бень у Амстэрдаме
20.04.2024
14:15 - 22:00
de Boomspijker (Recht Boomssloot 52)
ад 15 еўра
У суботу, 20 красавіка, Света Бень дае ў Амстэрдаме адразу тры выступы. Па-першае, спадарыня Света зайграе спектакль для ўсёй сям’і «Беспрацоўнае дрэва».
Дата: 20 красавіка
Час: 14.15 і 16.30 (час мясцовы)
Месца: de Boomspijker, Recht Boomssloot 52, Амстэрдам
Будзе два паказы — у 14.15 і ў 16.30!
Запрашаюцца дзеці ад 5 гадоў і добра выхаваныя дарослыя.
Гэта гісторыя дрэва, якое змушана пакінуць парк, дзе ўсё сваё жыццё прапрацавала... дрэвам. Яго чакае дарога, напоўненая прыгодамі — то цудоўнымі, то небяспечнымі, а то і абсалютна нечаканымі.
У гэтым монаспектаклі выкарыстоўваюцца тэатральныя лялькі і аб’екты, створаныя берлінскай мастачкай Лінай Хесінай.
Гісторыю прыдумала, расказвае і паказвае актрыса і рэжысёрка Света Бень.
Музыка — Лёня Башаркевіч.
Працягласць — 1 гадзіна.
Спектакль ідзе на рускай мове.
Квіткі коштам
20 еўра стандартны, 35 еўра за дзіця і аднаго дарослага ці 15 еўра толькі для дзіцяці можна набыць па
спасылцы.
Па-другое, увечары таго ж дня, 20 красавіка, Света Бень грае ўтульны і аптымістычны вясновы кватэрнік «Камета не прыляцела».
Дата: 20 красавіка
Час: 19.30 (час мясцовы)
Месца: de Boomspijker, Recht Boomssloot 52, Амстэрдам
У праграме знойдзецца месца і гучным песням, і зусім ціхім, і пяшчотным, і пранізлівым, і вясёлым, і зусім наадварот.
Між тым, касмічныя аб’екты будуць бесперабойна рухацца па сваіх маршрутах, і ніводная камета не ўпадзе падчас канцэрту, на радасць (ці не) гледачам.
Квіткі коштам
25 еўра бярыце па той жа
спасылцы.
