13 і 14 жніўня ў Батанічным садзе пройдзе вялікі сямейны гульнявы фестываль «TOYDAY. Справы сямейныя».
Дата: 13 і 14 жніўня
Час: з 11.00 да 19.00
Месца: батанічны сад, вул. Сурганава, 4б, Мінск
Арганізатары абяцаюць шмат забаў, гульняў і квэстаў для ўсёй сям’і. Фішачка фэста — показаць, што нават хатняя руціна можа прыносіць радасць. Вы будзеце займацца ўборкай, шопінгам, рамонтам, хатнімі справамі — і ўсё гэта ў гульнявой форме!
Глядзіце, колькі ўсяго будзе:
сямейны квэст з салодкімі падарункамі ад «Віцьбы»;
гіганцкая надзіманая паласа перашкод;
лазертаг для дзяцей і ўсіх, хто адчувае сябе дзіцем, нягледзячы на ўзрост;
некалькі вялікіх спартовых пляцовак, дзе можна будзе пагуляць у футбол, вялікі тэніс, хакей на траве, патрапіць на трэніроўку па карацтэ або гімнастыцы;
тэрыторыя ангельскай мовы і ангельскіх мнемакартак;
дзве музычныя пляцоўкі, дзе кожны можа паспрабаваць сябе ў ролі Джона Бонэма ці Фрыдэрыка Шапэна;
гульнятэка з настолкамі на любы густ і ўзрост;
скаладром для пераадолення сваіх страхаў;
пляцоўка з робатамі, віртуальным цірам і камп’ютарнымі гульнямі;
малышковая тэрыторыя з пелянальнай зонай і рэлакс-шэзлонгамі для адпачынку;
вялікая тэатральная пляцоўка з майстар-класамі па харэаграфіі, акцёрскім майстэрстве;
мантэсоры-гульнятэка для самых маленькіх;
пляцоўка праграмавання і навуковая майстрылка;
3D-дызайн і кіраванне квадракоптарам;
пляцоўка «Сіла Рода» з майстар-класамі і духоўнымі практыкамі;
некалькі творчых пляцовак з майстар-класамі, дзе кожны зможа зрабіць сувенір на памяць;
тэатр для малых, навуковае шоу з вадкім азотам, мыльныя бурбалкі і іншыя актыўнасці;
дыскатэка 90-х для дзетак, якія выраслі ў 90-я;
і канешне, смачная ежа.
Квіткі: дзецям да трох гадоў — бясплатна, сталейшым дзецям — 6 рублёў, дарослым — 12 рублёў. Шматдзетныя сем’і аплочваюць толькі дарослыя квіткі, дзецям — бясплатна.
Набыць квіткі можна ў касе батанічнага сада ці па спасылцы.
