Літаратура Вільня
Канец: 23.05 (19:00)
ЕГУ
Творчая сустрэча з пісьменнікам Марусам Івашкявічусам у Вільні
Пачатак: 23.05 (16:50)Канец: 23.05 (19:00)
ЕГУ
(Вільня, Savičiaus g. 17)
У аўторак, 23 траўня, Еўрапейскі гуманітарны ўніверсітэт ладзіць творчую сустрэчу з пісьменнікам Марусам Івашкявічусам.
Дата: 23 траўня
Час: 16.50 (час мясцовы)
Месца: ЕГУ (аўд. 221), Savičiaus g. 17, Вільня
Адбудзецца сустрэча ў межах курсу «Родная Еўропа: літаратурная геаграфія сучаснай беларускай, літоўскай, польскай, украінскай культуры». Вас чакае шчырая размова пра літаратуру і тэатр, гісторыю і сучаснасць, вайну і дыктатуру, культуру і кэнсэлінг, Украіну і Беларусь і шмат што іншае.
Марус Івашкявічус (1973) — аўтар раманаў «Гісторыя з хмары» і «Зялёныя», а таксама шэрагу тэатральных п’есаў. Чалавек года, паводле Літоўскага радыё, за ініцыятыву Марша памяці ахвяраў Халакосту (2016).
Спадар Марус мае беларускія карані, не раз наведваў нашую краіну і напісаў эсэ «Быў у Беларусі, альбо Спроба прымусіць кроў загаварыць» (2006).
Мадэратар — паэт і перакладчык Андрэй Хадановіч.
Уваход вольны!
