21 мая 2016 г. у Музеі кнігі Нацыянальнай бібліятэкі Беларусі (пр. Незалежнасці, 116, 3-ці паверх) адбудзецца незвычайнае свята, прысвечанае Міжнароднаму дню музеяў і напоўненае разнастайнымі забавамі пад назвай «У госці да Скарыны».
Чаму свята прысвечана беларускаму першадрукару і асветніку Францыску Скарыне? Адказаў на гэтае пытанне некалькі. Па-першае, Скарына з’яўляецца бадай самым яркім творцам беларускай культуры, шматграннай і таленавітай асобай. Пазнаваць Скарыну – цікавы і не сумны занятак. Па-другое, у Музеі кнігі адбываецца ўнікальная выстава «Францыск Скарына і наш час», якая пацверджвае, што вобраз Скарыны трывала ўвайшоў у сучасную культурную прастору Беларусі. Гэта гістарычная постаць стане яшчэ больш зразумелай і роднай кожнаму ўдзельніку святочнай праграмы «У госці да Скарыны».
Праграма мерапрыемства:
12.00 – 13.00
Занятак-гульня на выставе «Францыск Скарына і наш час»
13.00 – 14.00
Камандныя і індывідуальныя гульні-спаборніцтвы па складванні пазлаў «Складзі Францыска Скарыну»
14.00 – 15.00
Выстава-конкурс на арыгінальную размалёўку
«Размалюй Францыска Скарыну»
Фарміраванне груп за 15 хвілін да пачатку пункта праграмы.
Удзел у праграме платны: 9 100 – дзіцячы квіток, 14 000 – дарослы квіток
Тэл. для даведак: (8 017) 293 27 82
