9 лютага 2019 года (субота) а 12-й гадзіне Нацыянальны мастацкі музей Рэспублікі Беларусь запрашае ўсіх жадаючых прыняць удзел у незвычайнай, незабыўнай і поўнай сюрпрызаў падзеі! “Вясновае свята – 2019” перанясе дарослых і дзяцей у атмасферу святкавання Новага года ў краінах Далёкага Усходу. Вельмі радуе той факт, што свята стала свайго роду добрай традыцыяй, якую з задавальненнем ушаноўваюць госці музея ўжо некалькі гадоў.
Новы год у нашым звыклым уяўленні – гэта каляндарная змена, прымеркаваная да пэўнай даты. Для ўсходніх краін наступленне новага жыццёвага цыкла звязана са зменай пор года. Менавіта гэта падзея і адлюстроўвае Свята вясны, якое сімвалізуе сабой заканчэнне зімы, абуджэнне прыроды, набліжэнне чагосьці доўгачаканага, светлага і чыстага. Сімвалічнае абнаўленне жыцця – вось падабенства Новага года і Свята вясны.
У гэты цудоўны суботні дзень усіх гасцей чакае культурнае падарожжа па традыцыях Паднябеснай, Краіны ранішняй свежасці і Краіны ўзыходзячага сонца.
Праграма свята:
- Вясновы палац: наведай і зрабі фотаздымак!
- Напішы пажаданне і пакінь яго на прыгожым дрэве пажаданняў!
- Я – Шчаслівая свінка! Сімвал 2019 года!
Ствары святочныя вобразы свінак!
- Я люблю яркія колеры. А ты? Пакажы!
- Святочная кітайская каліграфія: глядзі і спрабуй сам!
- Традыцыйныя паштоўкі Карэі і Японіі!
Натхніся і стань аўтарам навагодняй паштоўкі па-ўсходняму!
- Злаві ўсходні дух у кітайскай традыцыйнай гульні – шахматы!
- Зрабі святочны галаўны ўбор!
- “Прыгоды ПЯТАЧКА – 2019”
(Арт-майстэрня сцэнарыста і мастака-аніматара)
- “Спячы” святочнае печыва
і атрымай у падарунак прадказанне на 2019 год!
- Зрабі даруму і загадай жаданне!
- Адкрый таямніцу кітайскіх загадак!
- Адчуй душу ўсходняга навагодняга свята і перадай яго
вясновы настрой на хангыле і хірагане!
- Пагуляем?! Ой, які твар!
(Фукувараі – японская традыцыйная гульня)
- Вось табе плакетка: намалюй Вясну!
- Давай пагуляем у Ют! (навагодняя карэйская гульня)
- Let’s Make The Lunar Year Firecrackers!
- Святочны веер!
- Малюем навагоднюю шчаслівую рыбку далонькамі і пальцамі, лежачы на падлозе… Так!
- Давай запусцім у вясновае неба над горадам навагоднія ліхтарыкі! (паштоўка)
- Зрабі для свайго дома ліхтарыкі розныя, рознакаляровыя, прыгожыя!
- Зрабі для сябе маску-сімвал 2019 года і адчуй навагодні настрой!
- Пасялі свінак ва ўтульны карэйскі домік! (паштоўка)
- Традыцыйная навагодняя кітайская гравюра.
- Пераапраніся! Карэйскі ханбок, японскае кімано и касцюм з оперы “Кунь” табе да твару!
- Вас чакаюць па-сапраўднаму цікавыя відэа з вандровак
па краінах Далёкага Усходу!
- Зрабі на памяць фотаздымкі ўсіх гэтых імгненняў!
Паспрабуй убачыць усё і ўсюды прыняць удзел!
Упрыгож сабой гэты дзень!
Стань яркім у сваёй вопратцы, падобнай на вясновую кветку!
Ствары непаўторны святочны вобраз усходняй прыгажосці!
Узроставыя абмежаванні: 0+
Працягласць: 4+
Кошт уваходнага білета на свята для ўсіх катэгорый наведвальнікаў – 10 бел. руб.
Сямейны білет (2 дарослых +3 і больш дзяцей) – 35 бел. руб.
Білеты можна набыць у касе музея з 26 студзеня.
Дадатковую інфармацыю можна атрымаць па тэл. 327-45-62
