25-га верасня адбудзецца адкрытая сустрэча з вядомым грэчаскім вулічным мастаком iNO. Так, менавіта тым, чые працы можна бачыць у аглядах лепшага вулічнага мастацтва.
Мастак прылятае ў Мінск для стварэння сваёй новай манументальнай працы ў межах праекта URBAN MYTHS.
Будзем радыя бачыць на сустрэчы тых, хто мае што расказаць пра гісторыю ды сучасныя фішкі Мінска, каб натхніць мастака на стварэнне адмысловага “мінскага” сюжэта для свайго мюрала.
Міжнародны фестываль манументальнага мастацкага роспісу Urban Myth (Урбан Міфы) – гэта інтэрактыўны міжнародны стрыт-арт праект ад супольнасці SIGNAL і Цэнтра Сучасных Мастацтваў, у межах якога вулічныя мастакі паспрабуюць пераасэнсаваць гісторыю і сучаснасць Мінска ды стварыць свае мастацкія работы на аснове беларускіх гарадскіх народных традыцый.
Удзел зорак сусветнага стрыт-арт у праекце Urban Myths стаўся магчымым дзякуючы падтрымцы кампаніі Vizor Interactive ды прыватных мецэнатаў.
________________
Месца: Цэнтр Сучасных Мастацтваў (Някрасава, 3)
Час: 18:00
