У нядзелю, 7 траўня, праект «Дыяфільм live» вяртаецца ў Познань з новымі «Вясновымі казкамі на стужках» для дзетак і іх бацькоў.
Дата: 7 траўня
Час: 10.00 і 12.00 (час мясцовы)
Месца: Teatr Animacji, ul. św. Marcin 80/82, Познань
Бацькі змогуць паглыбіцца ў дзівосныя ўспаміны свайго дзяцінства, калі звычайная белая прасціна станавілася парталам у казачны свет. Дзеці пачуюць новыя ці ўжо забытыя старыя добрыя казкі, расказаныя з дапамогай чарадзейнага дыяпраектара.
Пасля паказу дзеці разам з дарослымі возьмуць удзел у майстар-класе па ценявым тэатры, створаць сваіх уласных казачных персанажаў і прыдумаюць новую гісторыю ў промні праектара.
Працягласць — 70 хвілін.
Узрост дзяцей 3+.
Квіткі — 20 злотых. Набывайце па спасылцы.
