У пятніцу, 19 студзеня, у Музеі гісторыі Віцебскага народнага мастацкага вучылішча адкрываецца выстава Валянціна Нуднова «Чорна-белае каханне».
Дата: 19 студзеня
Час: 16.00
Месца: Музей гісторыі Віцебскага народнага мастацкага вучылішча, вул. Шагала, 5а, Віцебск
У сваёй творчасці мастак спрабуе раскрыць цесную сувязь эмоцыі і формы, паказаць, як форма фарміруе эмоцыю, і наадварот — як эмоцыя дыктуе пэўную форму.
«Я хацеў бы, каб мая работа вобразна ўспрымалася як нейкі шкляны аб’ект, дакрануўшыся да якога, можна было б адчуць вібрацыю ўсяго цела аб’екта і пасля завяршэння кантакту яшчэ доўга адчуваць трапятанне і водгаласы гукаў...» — кажа мастак.
Выстава будзе працаваць да 21 красавіка.
