12 траўня (пятніца) запрашаем дзяцей 5–8 гадоў і іх бацькоў у Музей кнігі Нацыянальнай бібліятэкі Беларусі на заняткі па тэме “Рукапісная кніга”.
Пачатак заняткаў а 18-й гадзіне. Працягласць – 60 хвілін. Кошт заняткаў з матэрыялам для творчага задання – 2.93 (два рублі дзевяноста тры капейкі).
У старажытныя часы кніга была зусім не падобная да сучаснай. На занятках хлопчыкі і дзяўчынкі даведаюцца пра асноўныя формы кнігі, а таксама пра матэрыялы, якія даўней выкарыстоўваліся для пісьма. Ці цяжкая праца рукапісца? Як доўга стваралася кніга, напісаная ад рукі? Чым пісалі ў даўніну? На гэтыя і іншыя пытанні дапытлівыя наведвальнікі атрымаюць адказы. Юныя майстры створаць сваё ўнікальнае пяро і ператворацца ў рукапісцаў.
Кантактныя тэлефоны: (8 017) 293 27 82, (8 025) 994 21 12.
