Зорка нямецкай літаратуры ў кнігарні логвінаЎ
Пачатак: 28.09 (19:00)Канец: 28.09 (21:00)
Кнігарня «логвінаЎ»
28 верасня (субота) ў кнігарні “логвінаЎ” (Незалежнасці 37а) адбудзецца прэзентацыя беларускай версіі рамана нямецкага пісьменніка Міхаэля Кумпфмюлера “Хараство жыцця”
У імпрэзе бяруць удзел:
Міхаэль Кумпфмюлер
Ірына Герасімовіч, перакладчыца
мастацкае чытанне Зоі Белахвосцік
Пачатак а 19. Уваход – вольны.
Крыху пра кнігу. Год 1923. Мюрыц. Хворы на сухоты Франц Кафка знаёміцца з Дорай Дыямант. З ёю ён рашаецца на тое, што раней падавалася абсалютна немагчымым. Выпраўляецца з ёю ў Берлін, не запытаўшыся дазволу ў бацькі, жыве з жанчынай і, нягледзячы на гэта, працягвае пісаць. Дора застаецца з ім да самай яго смерці ў 1924 годзе.
Гэтыя рэальныя падзеі аўтар Міхаэль Кумпфмюлер выкарыстоўвае як нагоду для таго, каб расказаць пранізлівую гісторыю пра жыццё і смерць. Ды яшчэ пра каханне, якое хоць і не можа адмяніць або адцягнуць смерць, але затое можа проста быць, і праз сваю прысутнасць яно ў стане і апошнія дні напоўніць хараством жыцця.
