Калі вы раптам яшчэ не вызначыліся, як цікава і з карысцю правесці выходныя, мы падкажам. Лекцыя і варкшоп «Гарадскі агарод», а таксама майстар-клас па саламяных павуках у Мінску, стрыжка авечак у Азярцы, экскурсія па Гародні, спектакль Светы Бень «Беспрацоўнае дрэва» ў Берліне, птушыны шпацыр у Тбілісі, прэзентацыя «Дзіцячага сьпеўніка» ў Вільні, першая беларуская музычная прэмія ў эміграцыі ў Варшаве, беларускія танцы ў Гданьску, канцэрты, выставы, батлейка і лекцыі — выбірайце падзеі ў сваім горадзе і на свой густ.
Беларусь
Мінск і Мінская вобласць
У суботу, 13 красавіка, гарадская ферма «Марыс Мар» ладзіць у прасторы «Flame Place» лекцыю- варкшоп «Гарадскі агарод».
Спікер — спадар Вячаслаў, студэнт-урбанолаг БрДУ імя Пушкіна, гатовы шчыра падзяліцца ведамі пра сусветны досвед стварэння гарадскіх агародзікаў і іх сацыяльна важныя функцыі.
Што такое інклюзіўнасць асяроддзя і якія магчымасці яна адкрывае для грамадства?
Гэтыя пытанні разгледзяць на прыкладзе агародзіка Мар.
Універсальныя ўрабністычныя веды, якія вы здабудзеце на працягу лекцыі-варкшопа, можна будзе прымяніць да любой гарадской прасторы.
Уваход вольны, ад данатаў не адмовяцца. Рэгіструйцеся па спасылцы.
У суботу, 13 красавіка, у галерэі «Цэнтр» ладзяць майстар-клас па пляценні саламяных павукоў.
Гэты традыцыйны абярэг ад злых духаў прымацоўваўся ў вясковых хатах да столі над сталом, каля чырвонага кута.
Кожны ўдзельнік атрымае карысныя практычныя веды і зробіць асабістага саламянага павука, які таксама будзе валодаць ахоўнымі функцыямі.
Занятак праводзіць
Таццяна Сцяпурка, выкладчыца мастацкага каледжа імя Глебава.
У суботу, 13 красавіка, у музеі народнай архітэктуры і побыту ў Азярцы — імпрэза «Стрыжка авечак».
Авечка з’яўлялася адной з важнейшых хатніх жывёл для продкаў беларусаў. Яе воўна шырока выкарыстоўвалася ў якасці матэрыялу для вырабу тканіны, адзення і абутку.
Гэты промысел атрымаў асаблівую распаўсюджанасць на ўсходняй частцы Беларусі і меў назву валюшнае рамяство ці шапавальства.
Стрыглі авечак два разы на год — вясной і восенню. Працэс быў дужа важным, бо ад атрыманай сыравіны залежала якасць вырабу і заробак майстра.
То прыязджайце даведацца больш пра традыцыю стрыжкі авечак.
Вас чакае: Экскурсія па выставе «Шапавальства»; Майстар-клас па вырабу авечак з нітак і кардону; Майстар-клас па маляванню авечкі тэхнікай «набіванка»; Майстар-клас па беларускім танцам і гульням.
Гродна
У суботу,
13 красавіка, музей гісторыі рэлігіі кліча на шпацыр па Гародні.
Вось вам 5 прычын, каб пайсці: ⠀
Паглыбіцца ў сямейны побыт другой паловы XIX стагоддзі.
Прадэгуставаць аўтарскі дэсерт.⠀
Прагуляцца па горадзе ў інтэрактыўным фармаце.⠀
Тэатралізаваная экскурсія, прадказанні і дэсерт: экскурсія па Гародні ⠀ Прадказанні склала сама Эліза Ажэшка! ⠀ ⠀
Навучыцца распазнаваць лекавыя травы і згуляць у фанты.
Германія
Берлін
13 красавіка, у суботу, Света Бень грае ў Берліне спектакль для ўсёй сям’і «Беспрацоўнае дрэва».
Запрашаюцца дзеці ад 5 гадоў і добра выхаваныя дарослыя.
Гэта гісторыя дрэва, якое змушана пакінуць парк, дзе ўсё сваё жыццё прапрацавала... дрэвам. Яго чакае дарога, напоўненая прыгодамі — то цудоўнымі, то небяспечнымі, а то і абсалютна нечаканымі.
У гэтым монаспектаклі выкарыстоўваюцца тэатральныя лялькі і аб’екты, створаныя берлінскай мастачкай Лінай Хесінай.
Грузія
Тбілісі
У нядзелю, 14 красавіка, беларусаў Тбілісі клічуць на другі птушыны шпацыр — гэтым разам па парку Панічала.
Весці шпацыр будзе Віктар Фянчук, беларускі арнітолаг, вядомы сваёй працай па ахове дзікай прыроды.
Вы пройдзеце сцяжынамі аднаго з найцікавейшых месцаў Тбілісі з пункту гледжання бёрдвотчынгу ці птушкарства — парку Панічала. Тут маецца разнастайнасць экасістэм і відаў птушыных. Таму чакае вас шмат розных цікавостак.
Шпацыры — гэта мікс экскурсіі, самастойнага назірання і ўзаемадзеяння з іншымі. Баланс кожны абірае для сабе сам.
Літва
Вільня
Спеўны сход запрашае ўсіх дзяцей і дарослых на адну з важных і знакавых падзей — прэзентацыю «Дзіцячага сьпеўніка».
Менавіта ў Вільні ў 1925 годзе першы спеўнік для дзяцей быў упершыню падрыхтаваны і выдадзены за кошт аўтара. Укладальнік — вядомы збіральнік фальклору, педагог Антон Грыневіч. Сёння — амаль сто гадоў пасля першага выдання — зборнік атрымаў дрогое жыццё.
Дата: 13.04
Час: 18:00
Месца: Цэнтр беларускай культуры і супольнасці, Vilniaus g. 20, Вільня
У праграме:
— музычна-інтэрактыўная праграма з Сержуком Доўгушавым;
— дзіцячы спеўны сход;
— выступ вакальнага гурта «Valoški»;
— прэзентацыя выдання і аўтограф-сесія.
Уваход вольны (данаты вітаюцца).
Польшча
Варшава
У суботу, 13 красавіка, у Scena Chmielna адбудзецца першая беларуская музычная прэмія ў эміграцыі.
Барацьба за званне найлепшых, яркія музычныя выступы і, безумоўна, сюрпрызы — усё, чаго вам не хапала.
Адмысловыя акустычныя госці імпрэзы — Юры Стыльскі, Алесь-Францішак Мышкевіч і гурт «Atesta».
Afterparty — Сяргей Пукст!
Гданьск
У суботу, 13 красавіка, абуджайцеся ўжо ад зімовага сну ды прыходзьце танчыць традыцыйныя танцы!
Грае капэла Яўгена Барышнікава!
Без спойлераў, але ж: такой колькасці беларускіх музыкаў на танцах у Гданьску яшчэ не было!
Паказваць танцавальныя элементы будзе Марыя Латышава.
Для ўдзелу дастаткова мець ногі і добры настрой, усё астатняе раскажуць і пакажуць на месцы.
Лодзь
Акустычны Такінданг у Лодзі
У суботу, 13 красавіка, у Лодзі грае акустычны канцэрт Андрусь Такінданг.
Час: 19:00 (час мясцовы)
Месца: прастора «Jesteśmy», ul. Jaracza 13, Лодзь
Завітвайце!
Познань
У нядзелю, 14 красавіка, беларусаў Познані запрашаюць на батлейку «Карусь Каганец» і мінілекцыю «Неасветлены бок беларускага руху пачатку XX стагоддзя».
Батлейка будзе не жыўцом, але ў відэазапісе.
Вы даведаецеся:
адкуль у нашым краі з’явіліся батлейкі;
ці батлейка ёсць дзіцячаю забаваю;
хто такі Карусь Каганец і чаму ён блукаў удзень па Менску з ліхтаром;
якім чынам падзеі 2020 года перагукаюцца з падзеямі больш чым стогадовай даўніны;
якая карысць з батлейкі сёння.
