Калі вы раптам яшчэ не вызначыліся, як цікава і з карысцю правесці выходныя, мы падкажам. Выстава «Два Паэты, два Сусветы...» у Мінску, экскурсія па жаночай Гародні, нейраквэст у Брэсце, канцэрт Яўгена Барышнікава ў Кракаве, шпакоўнік з Плоткам і Пукстам у Вільні — выбірайце падзеі ў сваім горадзе і на свой густ.
Беларусь
Мінск
Выстава «Два Паэты, два Сусветы...» прысвечана 110-годдзю зборніка вершаў Максіма Багдановіча і дню народзінаў Якуба Коласа.
Пры ўсіх адрозненнях у падыходзе да паэзіі, у творчасці Максіма Багдановіча і Якуба Коласа прасочваюцца роднасныя матывы і боль за лёс беларускага краю.
Не менш цікава аналізаваць суадносіны эпічнага і прыватнага ў творчасці выдатных паэтаў, розныя спосабы мыслення.
Акрамя першых прыжыццёвых кніг паэтаў, тут можна пабачыць графік беларускіх мастакоў — ілюстрацыі Васіля Шаранговіча, Антаніны Лапіцкай, Анатоля Александровіча, Генадзя Грака як візуальнае ўвасабленне беларускага слова.
Брэст
Ці гатовыя вы расчыніць таямніцы Брэста, поўныя інтрыгі і загадак, створаных штучным інтэлектам?
Гуляць можна камандамі ад двух да чатырох чалавек. І не забудзьцеся смартфон з інтэрнетам!
Працягласць — 1,5 — 2 гадзіны.
Будуць асобныя старты ўдзельнікаў з 14.40 да 17.40.
Гродна
У суботу, 18 лістапада, музей гісторыі рэлігіі паўтарае файны шпацыр па жаночай Гародні канца XIX — пачатку ХХ стагоддзя.
Чаму жанчынам забаранялі насіць капелюшы?
Ці праўда, што Эліза Ажэшка любіла коцікаў?
Дзе ў Гродне размяшчаліся б’юці-салоны?
Прыходзьце, каб даведацца процьму цікавостак!
Германія
Берлін
У нядзелю, 19 лістапада, гурт «Касіяпея» прыбывае з канцэртам у Берлін!
«Душэўнахворая творчасць здаровых людзей. Абуральная паранармальнасць. Айцы беларускай фрык-сцэны і айчыннага квазітрэш-мадэрну», — так сябе характарызуюць музыкі, і мы не можам ім пярэчыць.
Шваленберг
На працягу стагоддзяў Літва і Беларусь рабіліся нябачнымі, у тым ліку праз падаўленне іх культур, літаратур і моў.
Ва Усходняй Еўропе крайнасці нацыяналістычнага папулізму і аўтарытарнай улады сутыкаюцца з адважнымі і творчымі імпульсамі для стварэння мастоў паміж культурамі і нацыямі, прасторы для салідарнасці і свабоднага мыслення.
У межах фэста пройдуць творчыя сустрэчы, чытанняі і дыскусіі з удзелам аўтараў з Беларусі, Літвы і Польшчы.
Грузія
Тбілісі
Вы ўбачыце партрэты розных гадоў з натуры. Жывапісныя і графічныя пошукі асаблівых, выразных наяўнасцяў людзей. Спадарыня Анастасія падзеліцца графічнымі спосабамі, якія дапамогуць і ўбачыць, і перадаць характэрнае ў малюнку партрэта. Матэрыялы — папера, маркеры, лінеры, ручкі, простыя і каляровыя алоўкі, туш. Можна прынесці свае, а можна скарыстацца матэрыяламі мастачкі.
Літва
Вільня
У нядзелю, 19 лістапада, беларускія творцы ў Вільні клічуць на новы Шпакоўнік! «Шпакоўнік» — гэта цыкл музычна-паэтычных сустрэч, натхнёных творчай ініцыятывай актрысы Анастасіі Шпакоўскай.
Гэтым разам удзел бяруць Алесь Плотка і Сяргей Пукст!
Польшча
Варшава
У Старамейскім доме культуры адкрываецца выстава фотадуэта Kanaplev&Leidik «Тата ў тэлефоне».
Юлія Лейдзік і Яўген Канаплёў, пара беларускіх фатографаў, якія эмігравалі з Мінска ў Варшаву праз тры дні пасля пачатку вайны ва Украіне, з 2022 года працуюць над праектам «Тата ў тэлефоне», здымаючы партрэты ўкраінскіх сем’яў у іх польскіх дамах.
Класічныя партрэты маюць адзін трывожны элемент — бацька ў іх прысутнічае выключна на экране смартфона.
«Тата ў тэлефоне» — гэта гісторыя пра вайну з гледзішча сем’яў, якія — падзеленыя ёю — жывуць гібрыдна.
Кракаў
У суботу, 18 лістапада, у Кракаў прыбывае з драйвовым канцэртам Яўген Барышнікаў.
Спадар Яўген прэзэнтуе новае гучанне. І такога вы, бадай што, яшчэ ня бачылі і ня чулі.
Пры дапамозе шайтан-машынак і побытавай магіі акустычная гітара гучыць у суправаджэнні сэмпліраванага камернага аркестра са струнных, духавых і нават перкусіі, але прытым без запісаных загадзя партый — усё граецца выключна ўжывую адным чалавекам.
Ці гэта магчыма і як называецца такі жанр — вырашым разам падчас канцэрта.
Больш беларускіх падзей шукайце ў нашай Афішы.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці
афішу бясплатных мерапрыемстваў.
