Калі вы раптам яшчэ не вызначыліся, як цікава і з карысцю правесці выходныя, мы падкажам. Ночы музеяў па розных гарадах Беларусі і замежжа, лекцыя-дэгустацыя «Гісторыя салодкіх блюд» ад шэф-кухаркі Алены Мікульчык і салаўіны шпацыр з арнітолагам у Мінску, круглы стол у Віцебску, прысвечаны 100-годдзю з дня нараджэння Васіля Быкава, экскурсія па габрэйскім Беластоку, веснавое свята з Сержуком Доўгушавым ў Мінесоце, канцэрты, выставы, спектаклі — выбірайце падзеі ў сваім горадзе і на свой густ.
Беларусь
Мінск
У суботу, 18 траўня, у музеі Янкі Купалы адбудзецца інтэрактыўная праграма «∞ х 10 = ?» да Ночы музеяў.
Прыходзьце адчуць магію этнічнай музыкі і моц старадаўніх матываў у сучасным выкананні. Вас будуць чараваць гукі жаночага вакалу, колавай ліры, ірландскага бузукі і запальная перкусія.
У суботу, 18 траўня, музей Якуба Коласа кліча на лекцыю-дэгустацыю «Гісторыя салодкіх блюд» ад шэф-кухаркі Алены Мікульчык.
Вы даведаецеся гісторыю стварэння і развіцця салодкіх блюд і зможаце паспытаць смачны і незвычайны дэсерт.
У суботу, 18 траўня, музей Якуба Коласа ладзіць з нагоды Ночы музеяў вандроўку на сядзібу Коласа «Ласток».
Ласток — адзіная аўтэнтычная сядзіба, якая захавалася з часоў дзяцінства паэта.
Гасцей сядзібы чакае насычаная тэатралізаваная праграма. На сядзібе вас сустрэнуць дзядзька Антось, Міхал, маці і маленькі Кастусь!
Кожны зможа акунуцца ў атмасферу дзяцінства паэта, патрапіць на экскурсію па мемарыяльнай сядзібе, паўдзельнічаць у майстар-класе па стварэнні абярэгаў і паслухаць народную музыку.
У нядзелю, 19 траўня, кампанія «Дзікая прырода» кліча слухаць салаўёў у Мінску разам з арнітолагам Аляксандрам Вінчэўскім.
Падчас прагулкі спадар Аляксандр раскажа шмат цікавостак пра птушак.
Вы зможаце задаць яму і свае пытаннечкі.
Бярыце з сабой бінокль і добры настрой.
Каб трапіць на шпацыр, далучайцеся да «Дзікага клуба» па спасылцы.
Віцебск
У суботу, 18 траўня, у абласной бібліятэцы адбудзецца круглы стол «Салдат Перамогі Васіль Быкаў».
Ён прымеркаваны да 100-годдзя з дня нараджэння народнага пісьменніка Беларусі Васіля Уладзіміравіча Быкава.
У працы круглага стала бяруць ўдзел пісьменнікі, літаратуразнаўцы, гісторыкі, супрацоўнікі Дзяржаўнага архіва Віцебскай вобласці, гарадских бібліятэк.
Гомель
У суботу, 18 траўня, філіял Веткаўскага музея далучаецца да Ночы музеяў.
Праграма вельмі насычаная. Завітвайце!
Гродна
У суботу, 18 траўня, гісторыка-археалагічны музей далучаецца да Ночы музеяў.
Падрыхтавалі праграму, якая перанясе вас у свет магіі і цудаў. (Амаль па слядах Гары Потэра.)
Вас чакае:
● Урокі прадказанняў
● Урокі гербалогіі
● Квіз чараўнікоў
● «Хобі гульні»
● Кавер-версіі сусветных хітоў
● Музычны праект «Вочы»
● Феерверк.
ЗША
Мінесота
У суботу, 18 траўня, беларусаў Мінесоты запрашаюць на веснавое свята з Сержуком Доўгушавым.
У праграме:
прэзентацыя «Дзіцячага спеўніка»
музычна-інтэрактыўная праграма для дзяцей і дарослых
Беларускія гульні, спевы, карагоды і танцы!
Літва
Вільня
У суботу, 18 траўня, у Цэнтры беларускай супольнасці і культуры — імпрэза да Ночы музеяў.
Вас чакае канцэрт Сяргея Башлыкевіча, саліста гурта «Leibonik».
А яшчэ:
Кірмаш майстроў
Адкрыццё выставы Алега Аблажэя
Майстар-клас па гліне
Пастанова вулічнага тэатра
Батлейка
Майстар-клас па сярэднявечных танцах
Актыўнасці для дзяцей (аквагрым, майстар-класы, бінга-квэст).
Польшча
Беласток
У нядзелю, 19 траўня, беларусаў Беластока клічуць на беларускамоўную экскурсію па габрэйскім Беластоку.
Будуць размаўляць пра гісторыю габрэяў у Беластоку: калі яны з’явіліся ў горадзе? Дзе сяліліся? Як жылі?
Пагавораць і пра паўстанне ў беластоцкім гета, і агулам пра культуру, традыцыі, і прыватныя гісторыі.
Завітаеце да помніка спаленай сінагозе, пабачыце на былы яўрэйскі" гандлёвы цэнтр", паразмаўляеце пра эсперанта і яе стваральніка і пра гета, безумоўна.
Варшава
У суботу, 18 траўня, у Варшаве святкуюць дзень народзінаў Аляксандра Кулінковіча, нязменнага лідара «Neuro Dubel».
Усе найлепшыя хіты гурта заспяваюць: Зоя Сахончык (Зьмяя), Алесь Лютыч (:B:N:), Алесь-Францішак Мышкевіч (The Superbullz), Дзяніс Тарасенка (РСП), Аляксандр Памідораў.
Уроцлаў
18 траўня ўсіх жадаючых чакаюць Юля Цімафеева, Альгерд Бахарэвіч, Сяргей Шупа і Андрэй Янушкевіч на літаратурнай сустрэчы.
У праграме:
Прэзентацыі кнігі Юлі Цімафеевай «Мінскі дзённік», а таксама паэтычнага зборніка «Воўчыя ягады» і паэмы Ільлі Камінскага «Рэспубліка глухіх», якую яна пераклала на беларускую мову разам з Вальжынай Морт.
Сяргей Шупа прадставіць новыя кнігі «Вясны»: свае пераклады Мойшэ Кульбака («Зэлменяне»), Юргіса Кунчынаса («Туўла») і Антанаса Шкемы («Белы саван»).
Андрэй Янушкевіч раскажа пра навінкі беларускага кнігавыдання і стан, у якім працуюць беларускія выдавецтвы, а таксама прывязе свежанадрукаваныя кнігі.
Альгерд Бахарэвіч пазнаёміць усіх прысутных з новым прыгодніцкім раманам «Капітан Лятучая Рыба».
Больш беларускіх падзей шукайце ў нашай АФІШЫ.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў.
