Днямі два знішчальнікі МіГ-29, якія былі падораны Сербіі Беларуссю і прайшлі рамонт на авіярамонтным заводзе ў Баранавічах, ужо прыбылі ў Сербію. Пра гэта паведамляюць сербскія СМІ са спасылкай на міністра абароны Сербіі Небойшу Стэфанавіча.
Па словах Стэфанавіча, самалёты былі дастаўлены ў разабраным выглядзе і ў бліжэйшы час будуць уведзены ў склад ВПС Сербіі.
Цяпер у Сербіі 10 знішчальнікаў МіГ-29: 1 МіГ-29A (9.12A), 3 МіГ-29Б (9.12B), 3 МіГ-29С (9.13), 3 МіГ-29УБ (9.51). У тым ліку шэсць знішчальнікаў былі атрыманы ад Расіі. Яшчэ з часоў Югаславіі ў сербаў заставалася чатыры МіГ-29: тры МіГ-29 9.12В і адзін двухмесны 9.51В.
Пасля атрымання чатырох беларускіх знішчальнікаў версіі 9.13 у сербскіх ВПС будзе ў агульнай складанасці 14 МіГ-29.
Фота — Міністэрства абароны Сербіі
