13 кастрычніка а 17:30 у Доме Коласа адбудзецца кватэрнік беларускага рок-гурта SKRIZHALI. Гурт быў створаны ў 2002 годзе, але першае выступленне на вялікай сцэне прайшло ў межах фестываля “Рок-Каляды” ў 2003 годзе. Праз год з’явіўся першы дэма-дыск пад назвай “Быццё ў небыцці”. З 2008 года пачынаецца паўнавартаснае існаванне гурта ў межах жывых выступленняў на фестывалях і розных пляцоўках. У 2015 годзе выходзіць першы студыйны альбом “Назад дороги нет”, праз год – першы кліп гурта “О ней” і міні-альбом “Время”.
Дом Коласа з’яўляецца пляцоўкай для рэалізацыі творчых людзей, якія імкнуцца ажыццяўляць самыя смелыя ідэі. Гурт SKRIZHALI прэзентуе для ўсіх аматараў якаснай музыкі ўласную творчасць, а таксама песні па матывах вершаў Якуба Коласа. Лямпавая атмасфера, жывая музыка, утульная зала, нязмушанасць і добразычлівасць створаць усе ўмовы для атрымання асалоды ад вечара мастацтва ў Доме Коласа.
Уваходны квіток – 5 р.
Сардэчна запрашаем!
Адрас музея: г. Мінск, вул. Акадэмічная, 5.
Тэл. 284 -17- 02
Афіцыйны сайт: www.yakubkolas.by
