2 верасня беларуска-польскі гурт «Hajda Banda» грае канцэрт на Замкавым дзядзінцы ў Познані.
Дата: 2 верасня
Час: 19.30 (час мясцовы)
Месца: Święty Marcin 80/82, Познань
Hajda Banda (ці Гайда Банда, калі хочаце) аб’ядноўвае польскіх і беларускіх музыкаў і грае традыцыйны танцавальны і вакальны рэпертуар з музычнай гісторыі Падляшша, а таксама Заходняй Беларусі і Палесся.
Граюць настолькі свежа, што спрадвечныя куявякі ды полечкі, абрэкі ды вальчыкі гучаць драйвова і сучасна, а ногі ідуць танчыць самі.
Таму будуць яшчэ і танцы!
Акрамя «Hajda Banda» фолк-вечарыну падтрымае дыджэй Empe, які ў рамках свайго праекта «Прывітанне, Зямля!» запросіць вас пагуляць у рытме balkan-beat, electro tzigane, nuevo flamenco, afro-cubano, reggaeton і па-ўсялякаму!
Квіткі коштам 25 злотых (загаддзя) і 35 злотых (у дзень канцэрта) можна набыць па спасылцы.
