16 жніўня а 14-й у Музеі Вольнай Беларусі куратарка Вольга Мжэльская правядзе экскурсію па выставе Iгара Цiшына «Дом, у якiм разлятаюцца сцены. Паміж двума імгненнямі». Экскурсія будзе па-польску — звярніце ўвагу!
Дата: 16 жніўня
Час: 14.00 (час мясцовы)
Месца: Музей Вольнай Беларусi, ul. Foksal, 11, Варшава
Спадарыня Вольга раскажа мноства цікавостак пра гэтую выставу, пра яе канцэпцыю, а таксама пра творчасць Ігара Цішына.
«Дом, у якiм разлятаюцца сцены. Паміж двума імгненнямі» Ігара Цішына — гэта татальная інсталяцыя, у якой «дом» разумеецца шырока — не толькі і не столькі як архітэктурнае збудаванне, але і як краіна ў цэлым.
Усе фрагменты сцен, інтэр’ераў, самі жыхары гэтай прасторы ўзлятаюць, як пасля ўздзеяння тагасветнай сілы або стыхійнага бедства.
Мастак прапануе гледачу апынуцца паміж двума імгненнямі — узлёту і прызямлення — і націснуць на кнопку пульта «паўза» і затым «рэверс», калі абломкі абавязкова збіраюцца ў новы Дом.
Уваход вольны, прыходзьце!
