Ноч музеяў у Вільні
17.05.2025
13:00 - 23:35
Віленскі беларускі музей імя Луцкевіча (Vilniaus, 20)
Бясплатнае
У суботу, 17 траўня, у Віленскім беларускім музеі імя Луцкевіча ладзяць Ноч музеяў. Сёлетняя тэма — «Беларускі маляваны вырай».
Вось якая праграма:
А 15-й пачынаецца арт-гутарка з рэжысерам спекталя «Мальовані слова / Маляваныя словы».
Будзе паказ фільма з унікальнымі кадрамі з экспедыцыі, якая даследавала жыццё і лёс Алены Кіш і Марыі Прымачэнка.
А 16-й у вялікай залі музея адкрываецца выстава «Горкія травы».
А 16:30 адбудзецца латарэя прац беларускіх мастакоў. Можна выйграць 1 з 10 твораў за данат у 5 еўра.
З 14:00 у бібліятэчнай залі будуць ісці майстар-класы: адзін для дарослых, адзін для дзяцей.
У 14.00 дзеці змогуць распісаць сабе падстаўкі пад кубачкі, натхніўшыся маляванымі дыванамі (кошт — 5 еўра).
А ў 15.00 дарослыя зробяць сабе шопер з сапраўднай маляванкай (кошт — 10 еўра). Колькасць месцаў на майстар-класы абмежаная.
Рэгіструйцеся па спасылцы.
У двары з 13:00 і да закрыцця працуе Кірмаш майстроў.
Можна прыдбаць сабе цікавыя аўтэнтычныя вырабы ад бранзалетаў з арнаментам і хустак з набіванкай да світшотаў і кніг.
З 15:00 да 17:00 будзе дзейнічаць «дзіцячая паляна».
У праграме: беларуская батлейка («Лясная жыхарка» і «Дзве зорачкі»), актыўныя гульні, аквагрым, размалёўкі, пазлы, кніжкі, гульні з мячыкамі і балёнікамі.
Тут жа можна намаляваць свае мары і ўпрыгожыць імі падворак — створыце свой беларускі маляваны вырай!
З 18:00 да 19:00 можна будзе падсілкавацца падчас дранік-фэсту.
Канцэртна-танцавальная праграма пачынаецца а 18-й.
Выступяць Яўген і Вольга Барышнікавы.
А з 20-й і да ўпаду вас чакаюць танцы ў музеі!
Вітаюцца госці ў яркай апратцы.
Уваход вольны.
