Гэтымі выходнымі, 20 і 21 жніўня, у батанічным садзе зноў будзе сямейны фэст Bookids Прафесіі, які ў чэрвені дужа ўпадабалі мінчукі.
Дата: 20 і 21 жніўня
Час: з 10.00 да 19.00
Месца: Батанічны сад, вул. Сурганава, 2в, Мінск
На розных пляцоўках, раскіданых па батанічным садзе, дзеці змогуць даведацца пра розныя прафесіі: паспрабаваць сябе хімікам, акцёрам, кінематаграфістам, мастаком, бізнэсоўцам, эколагам, дызайнерам, выхавацелем, айцішнікам, поварам, фларыстам і пажарным. І нават супрацоўнікам ДАІ.
Дзеці змогуць вывучыць любую з прафесій ці ўсе адразу. За кожную пройдзеную прафесію яны атрымаюць фестывальную валюту — букідсы, якія можна патраціць на забаўкі ці абмяняць на тавары ў фестывальных крамах.
Квіткі: дарослы — 18 рублёў, дзіцячы (звыш 12 гадоў) — 6 рублёў, сямейны (2 дарослых і дзеці) — 30 рублёў. Дзецям да 12 гадоў — уваход вольны!
Глядзіце праграму і набывайце квіткі па спасылцы.
