У наступныя выходныя, 3 і 4 чэрвеня, майстар пластычнага тэатру, кіраўнік тэатра «ІнЖэст» Вячаслаў Іназемцаў ладзіць у Варшаве майстар-клас «Танцы звяроў. Нараджэнне руху з духу імправізацыі».
Дата: 3 і 4 чэрвеня
Час: з 17.30 да 21.30
Месца: Akademia Tańca Zawirowania, Wspólna 61/lok.101, Варшава
Вы засвоіце фірмовы іназемцаўскі метад стварэння розных вобразаў і характараў, заснаваны на старажытнакітайскай сістэме пяці змен «У-СІН».
У праграме майстар-класа:
псіхафізічны трэнінг акцёра;
танец Буто;
элементы пантамімы, акрабатыкі, кунг-фу.
Навучыцеся ствараць выразную псіхафізічную карціну жывёльнай стыхіі, працаваць з энергетычнымі цэнтрамі цела па фізічным прынцыпе жывёлы, дзейнічаць парамі ці групамі па чарзе, прадстаўляць імправізацыі.
Майстэрня адкрытая для ўсіх артыстаў: танцораў, клоўнаў, мімаў, акцёраў, акрабатаў. А таксама для тых, хто цікавіцца сцэнічным рухам.
Мовы навучання — ангельская, беларуская, украінская, польская, руская.
Кошт — 180 злотых адзін дзень ці 300 злотых — абодва.
Колькасць месцаў абмежаваная. Рэгіструйцеся па спасылцы.
