У пятніцу, 20 кастрычніка, у Музеі Вольнай Беларусі адкрываецца выстава Ганны Каран «Сукенкі за свабоду».
Дата: 20 кастрычніка
Час: 18.00 (час мясцовы)
Месца: Музей Вольнай Беларусі, Foksal 11, Варшава
Праект Ганны Каран — рэакцыя на падзеі ў Беларусі, звязаныя з пратэстамі. Удзельніцы праекту па просьбе мастачкі самі выбіралі сукенкі, якія сталі сімваламі свабоды.
Каб далікатная тканіна не спарахнела, спадарыня Ганна пакрыла сукенкі тоўстым пластом эпаксіду, ператварыўшы кожную ў помнік.
Аб’екты пачынаюць напаўняцца сэнсамі, калі спадарыня Ганна выходзіць у поле, дзе «прымярае» на сукенкі жывыя кветкі і пры дапамозе фарбы фіксуе іх адбітак. Кожны строй мае сваю гісторыю і захоўвае ўспаміны пра людзей і месцы.
Выстава будзе дапоўненая віртуальнай прасторай METAVERS з удзелам герояў праекта.
Яна будзе працаваць да 11 лістапада.
Уваход вольны!