Калі вы раптам яшчэ не вызначыліся, як цікава і з карысцю правесці выходныя, мы падкажам. Фестывалі, лекцыі, этнавечарына і баль ў гарадах Беларусі, спектакль ў Варшаве, канцэрт у Беластоку, беларускі пікнік у ЗША — выбірайце мерапрыемствы ў сваім горадзе і на свой густ!
Крыніца: zdravushka.by
Беларусь
Мінск і Мінская вобласць
Музычная субота ў мінскім Мастацкім музеі
24 верасня пройдзе канцэрт фартэпіяннай музыкі ў галоўным будынку мінскага Мастацкага музею, на якім можна пачуць музыку Баха, Пракоф’ева, Скрабіна і Дэбюсі ў выкананні лаўрэатаў міжнародных конкурсаў Аляксандры Шадрухінай і Марыі Кальянавай.
Дабрачынны спектакль «Каралеўская карова» ў Менску
70% сродкаў з продажу квіткоў будуць накіраваныя падапечным дабрачыннага фонду «Дом Анёла»: Машы і Ваню.
Падрабязней тут.
Фэст вулічнай культуры «3Х3» у Мінску
Абяцаюць актыўнасці, процьму майстар-класаў ды лекцый пра стрыт-культуру і нават скейт-зона, дзе можна пакатацца на скейце і пастаяць на баланс-бордзе.
Падрабязней тут.
Восеньскі фэст «Багач» у Вязынцы
Арганізатары абяцаюць дажынкавыя і восеньскія спевы з розных рэгіёнаў Беларусі, святочныя пачастункі — хатні хлеб і мёд, хатні сыр, майстар-класы па рамёствах, кірмаш, а пад вечар — традыцыйныя танцы!
Падрабязней тут.
Брэст і Брэсцкая вобласць
Фэст «ВОСЕНЬ У ЗАВОССІ»
24 верасня ў Музеі-сядзібе Міцкевічаў «Завоссе», што ў Баранавіцкім раёне, адбудзецца літаратурна-музычны фэст «Восень ў Завоссі». Абяцаюць лекцыі, экскурсіі па сядзібе, выступы літаратараў ды аматараў музыкі і спеваў. Будзе бібліятэчная пляцоўка, мастацкі пленэр, выставы, квэсты, гульні, майстар-класы і кірмаш.
Навагрудак
«Баль у доме Міцкевіча» ў Навагрудку
Падрабязней тут.
Гомель
Этнавечарына «Жаніцьба коміна» ў Гомелі
«Жаніцьба коміна» — архаічны абрад звязаны з пераносам агню (святла) з вуліцы ў хату. З гэтага часу распачыналіся вячоркі-пасядзелкі. На вуліцы рана цямнее, становіцца халодна, таму ўсе працы пераносіліся ў хату — там і цяплей, і комін свеціць! На вечарыне адновяць архаічны абрад.
Падрабязней тут.Польшча
Варшава
Света Бень у Варшаве
У нядзелю, 25 верасня, у варшаўскім бары «Карма» выступае Света Бень. І будзе ўсё як мае быць — песні і вершы ў суправаджэнні гавайскай гітары, гармоніка і кішэннага піяніна.
Спектакль «Паслядзяцінства» ў Варшаве
25 верасня ў варшаўскім Музеі Вольнай Беларусі – спектакль «Паслядзяцінства», дакументальна-мастацкае выказванне беларускіх і ўкраінскіх падлеткаў, вымушаных стаць уцекачамі.
Падрабязней тут.
Беласток
LEIBONIK у Беластоку
24 верасня, у суботу, Сяргей Башлыкевіч ды гурт LEIBONIK грае канцэрт у Беластоку.
Літва
Вільня
Фэст беларускага фальклору ў Вільні
Паспяваць беларускіх песень, і патанчыць побытавых танцаў можна будзе ў асалоду.
Падрабязней тут.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Друі: гайд ад «Будзьма!»
Чароўная Лепельшчына. Чым здзівіць радзіма Цмока? Частка 2
7 цудаў Глыбокага: гайд ад «Будзьма!»
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
