У гонар 105-годдзя тэатра брэнд «Луч» разам з Купалаўскім тэатрам прадставіў асаблівую лімітаваную калекцыю гадзіннікаў і будзільнікаў «Паўлінка».
Калекцыя «Паўлінка» створана для тых, хто шануе культуру, спадчыну і прыгажосць імгненняў, якія ператвараюцца ў вечнасць.
Калекцыя-адлюстраванне сцэны, дзе час нібы замірае ў чаканні апладысментаў. Корпус са стыльным пакрыццём «ружовае золата», сферычнае шкло і папружка з натуральнай скуры глыбокага барвовага і цёплага карычневага адценняў ствараюць выяву класікі, насычаную тэатральнай атмасферай. Гладкая крышка з гравіроўкай нагадвае, што сапраўднае мастацтва заўсёды празрыстае і вечнае.
Выпушчаны дзве мадэлі гадзіннікаў. Кожная створана абмежаваным тыражом 105 экзэмпляраў.
Будзільнік — лімітаваны выпуск, 105 экзэмпляраў.
Кожны прадмет калекцыі — гэта сімвал далучэння да гісторыі беларускага тэатра, дзе традыцыя і сучаснасць сустракаюцца на адной сцэне.
