Рэдакцыя budzma.org заўсёды клапоціцца пра сваіх чытачоў, раптам вы прапусцілі цікавы і важны для вас тэкст? Няма праблемы! Мы падрыхтавалі для вас спіс з 10 самых цікавых артыкулаў за мінулы месяц, з якімі раім азнаёміцца.
1. Наступствы вайны: голад страшнейшы за адключэнне ад SWIFT
Аналітык Аляксей Гадукевіч разважае над тым, што палохае больш тых, хто не сутыкнуўся ці не сутыкаўся з вайною раней — уласна баявыя дзеянні і кроў альбо санкцыі? На думку аналітыка, цалкам верагодна, што вайна на ўсходзе Еўропы можа выклікаць не толькі значны рост коштаў на прадукты харчавання, але і дэфіцыт у рэгіёне і па ўсім свеце і такім чынам прывесці да гуманітарнай катастрофы сур’ёзных маштабаў.
2. Як захоўваць рэсурсны стан ва ўмовах працяглага стрэсу
У сучасным рытме жыцця мы пастаянна перажываем стрэсавыя сітуацыі. Мікрастрэсы, канечне, негатыўна адбіваюцца на нашым самаадчуванні і здароўі ў цэлым, але пазбавіцца ад іх наступстваў не вельмі складана. Значна горш складваецца сітуацыя, калі стрэсавы фактар уплывае доўга і сістэматычна. Як справіцца са стрэсам распавядае ментарка па захаванні рэсурснага стану Вікторыя Лебедзева.
3. «Вайна сусветаў — Z». Частка 1. Расія, якой больш няма і Частка 2. Канец Расіі або «доўгая зіма»?
Драма, якую мы зараз назіраем, яшчэ не скончылася і невядома калі скончыцца. Праз штодзённыя паведамленні — пра забітых, параненых, выгнаных са сваіх дамоў — мы нават не можам ацаніць яе маштабу. Тым больш, задумацца аб варыянтах будучыні. Пра мінулае «да вайны» і будучае «пасля» яе разважае публіцыст «Будзьма беларусамі».
4. Чэрэмісы: вайсковы патэнцыял на службе Рэчы Паспалітай
Любіце вайсковую гісторыю Рэчы Паспалітай? Пачытайце гістарычны артыкул Змітра Пілецкага пра чэрэмісаў — уцекачоў з Масковіі, што сталі элітнай баявой адзінкай у войску дзяржавы трох народаў.
5. Як не звар’яцець ад навінаў?
Стаміліся ад цяжкіх навінаў? Няма сілаў, каб гартаць навінныя стужкі ў сацсетках? Расказваем вам, як захаваць здаровы розум у пекле інфармацыйнай вайны ды не стаць ахвярай прапаганды.
6. Як князь Патрык здолеў абараніць Гродна ад смяротнай небяспекі
Думаеце, што Святы Патрык быў толькі ў Ірландыі? Памыляецеся! Святы Патрык жыў і ў часы ВКЛ на нашых землях, і бараніў Гродна ад ворагаў. Падрабязней пра літвінскага Патрыка чытайце ў нашым артыкуле.
7. Як прайшлі апошнія тыдні жыцця Кастуся Каліноўскага
22 сакавіка чарговая гадавіна з дня смерці нацыянальнага героя Беларусі, аўтара «Мужыцкай праўды» і аднаго з кіраўнікоў вызвольнага паўстання 1863 — 1864 гадоў — Кастуся Каліноўскага. Хочаце дазнацца пра апошнія тыдні жыцця героя? Чытайце пра гэта ў нашым гістарычным артыкуле.
Беларусы замежжа з першых дзён вайны не засталіся ў баку ад таго, што адбываецца зараз ва Украіне. Прапануем пачытаць гісторыі асобных людзей, якія прачнуўшыся 24 лютага ў новай рэальнасці, замест таго, каб трапіць у шок і апатыю, вырашылі па меры сіл рабіць тое, што можа калі не пакласці канец, то хаця б аблегчыць пакуты ні ў чым не вінаватых людзей.
9. Другі шанец праз сто год: 1918 — 2022
Некалькі палітычных цэнтраў у выгнанні. Беларускія часткі ў чужых арміях. Чужыя войскі на Беларусі. Бежанства і немагчымасць планаваць заўтрашні дзень... 25 сакавіка 2022-га Беларусь сустрэла ў стане, максімальна падобным да часоў БНР. Пачытайце параўнанні публіцыста «Будзьма Беларусамі» двух рэалій з гістарычнай адлегласцю ў стагоддзе.
10. Як у Расійскай імперыі знішчалі нацыянальныя мовы і нацыянальную ідэнтычнасць
Нечакана, але ў 2022 годзе зноў перад намі паўстала пытанне нацыянальнай ідэнтычнасці. Ізноў украінцам даводзіцца страшным коштам незлічоных чалавечых жыццяў даказваць, што яны нацыя, якая мае права на сваю нацыянальную дзяржаву. Мы зноў сутыкаемся з пытаннем нацыянальнай самасвядомасці і яе элементаў. Што яшчэ нам застаецца, як не звярнуцца да гісторыі і спраўдзіць, адкуль бяруцца карані нацыянальнай свядомасці, як гэта развіваецца, і хто ў чужой ідэнтычнасці адчувае пагрозу для сябе. Пра знішчэнне нацыянальнай мовы і ідэнтынасці ў часы Расійскай Імперыі чытайце ў нашым артыкуле.
